Home General Ced Ride ta sinti su mes halaga di participa den e show...

Ced Ride ta sinti su mes halaga di participa den e show folklorico “Concierto ABC”

4
0
SHARE
- Advertisement -

ORANJESTAD (AAN) – E cantante di Curacao señor Ced Ride, a hiba palabra den conferencia di prensa, relaciona cu e Concierto ABC, cu lo tuma lugar den Cas di Cultura e fin di siman aki.

“ Mi ta sinti mi halaga ora cu sra. Ruby a bay Curacao papia cu mi over di Mi Cutisa, y mi a intercambia cune. Ora cu el a splica mi kico Mi Cutisa su obhetivo ta, mi a splica sra. Ruby cu mi tin un fundacion cu yama ‘Fundacion Ced pa semper’ cu ya tin diescinco aña.

Nos ta traha na bienestar di grandinan y hubentud, y den henter e combersacion, e reflexion riba pakico mi a sugeri pa Aruba, Curacao y Bonaire bin hunto (ABC) ta, simplemente, pasobra den pasado e gobierno di Curacao (Antiyas), a duna mi e encargo na 2001-2001 pa mi organiza y ta e coordinador general di e celebracion di e ‘Festival del Fuego: fiesta del Caribe’ na Santiago de Cuba. En total mi a logra compila 800 miembro entre Aruba, Bonaire, Curacao y Isla Ariba, cu a bay participa den e festival”, sr. Ced Ride a relata.

Señor Ride a agrega cu despues di tres bez cu Antiyas a presenta na e festival menciona, el a wordo entrevista na Aeropuerto, el a declara cu a bira tempo pa cambia e manera pasobra el a realiza cu nos ta hiba divisanan di nos Islanan pafo.

El a agrega cu el a traha cu sra. Eckmeyer den Departamento di Enseñanza y Cultura, na Curacao y el a mustra interes pa e Islanan bin hunto cu su artistanan no riba aspecto di divisa sino de union.

El a mustra cu no solamente nos ta bisiña pero nos tin e bendicion di papia Papiamento cu otro. El a conta un tiki di su version con Papiamento a nace, y a expresa cu como hende creyente cu tin un maximo ser, ta na su lugar pa despues di tanto desaroyo cu nos tin den enseñanza y otro terenonan, para keto un rato na nos mes pasobra nos ta mas cerca cu nos ta kere.

El a referi tambe na e balor di nos folklore, e balor di wals, Dande, tambu, y a puntra ki ora nos ta cuminza duna nos mes e balor aki.

El a subraya cu su presentacion ta folklore cu ta su extracto. Na su 55 aña el a lanta un banda folklorico y a hinca su bida den dje.

E ta skirbiendo y haciendo areglo di obranan original na Papiamento, manera wals, mazurca, danza, tambu, etc. E ta bin cu su banda ta consisti di instrumentonan acustico manera contrabaho, viool, viola, viochelo, mandolin, fluit, guitara, cuarta, etc.

 

 

 

 

- Advertisement -

DUNA COMENTARIO

Please enter your comment!
Please enter your name here