Home Editorial Editorial: HENDRIK SEFERINO CROES: E MINISTRO NARCO-COMPLACIENTE DI MEP!

Editorial: HENDRIK SEFERINO CROES: E MINISTRO NARCO-COMPLACIENTE DI MEP!

11
0
SHARE
- Advertisement -

Con bin Ministerio Publico no a actua den ningun sentido contra e vagabundo aki, mi no ta compronde, a menos cu e Fiscalnan ta politicamente comprometi o influencia. No tin otro splicacion pasobra pruebanan nos a publica na granel pa demostra cu el a cana, siendo Ministro, man teni cu diferente capo di droga. Esun mas evidente ta Sanchez, cu e nota skirbi na man pa Hendrik ‘himself’ y dirigi na Fiscal Hoogland o Wijland pa nan pone Sanchez inmediatamente den libertad, cos cu nan a nenga di haci. Pakico Hendrik Seferino tabata asina persistente pa pone Sanchez den Libertad? E tabata cera pa traficacion di droga! Asina mes, ningun Fiscal a tuma e molester di indaga den e asunto pa pone Husticia funciona manera debe ser. Ta ora cu Hendrik a prohibi nan dos di atende cualke caso relaciona cu narcotica cu Fiscal Wijland a lanta un caso contra Gobierno y a gane tambe! Ta hopi puyito a sali na careda for di bao e macuto durante e tratamento di e caso importante ey! Nos lo ripiti loke a sali na cla pa tur hende nota con dañino e influencia di Hendrik y su ehecutor (Evelyn) ta pa MEP.

Banda di aeropuerto, Hendrik Seferino a box o tabata envolvi cu un auto di polis y a gewoon stuur sigui su caminda, sin cu polis a pare, detene y hibe warda pa e duna cuenta di su accion. Kico e fiscal a haci? Declara cu “hij is niet zomaar iemand”! No ta parcebo, señor o señora lector cu algo ta completamente robez den e trato administra na e figura nefasto ey?

E actitud di e autoridadnan local ta hopi sospechoso y ta crea duda serio den e imparcialidad di Husticia na Aruba. For di hopi tempo caba, mirando e actuacionnan di e Fiscalnan y Hueznan Hulandes, mi a stop di kere den Husticia. Si ta pa mi, nan por wel di stop di importa nan for di Hulanda, y busca nan for di otro pais, aunke sea ta pa mira si ainda tin tempo pa drecha loke ta krom den e aministracion di e semblanza di husticia cu ta existi na Aruba.

Y otro caso cu no ta parcemi tin un splicacion logico te awe, o miho bisa, no tin ningun splicacion ainda di e autoridadnan local ta e badge di disip cu e Ministro Narco-complaciente a ricibi di un Gobierno stranhero y pa cual e mester a haci un huramento di lealtad incondicional, siendo un Ministro di Reino. Con un dualidad di funcion conflictivo asina por a tuma lugar sin un cuestionamento serio di parti di e autoridadnan concerni? Bo no por paga lealtad na Dios y na Diabel pareu. Of un of e otro, pero no tur dos na e mesun tempo.

Y no ban papia mes di cargozaak! No ta e Ministro narco-complaciente di MEP mes a autoriza pa e tuma lugar for di nos isla? Den kico esey ta convirtie? Den un Ministro narco-complaciente o un Ministro narco-complice? Laga cada ken saca su som y convence su mes, a base di tanto prueba, pakico autoridadnan no a procede contra dje te awe. Na hulanda un corant hopi prestigioso a publica riba su front page cu Hendrik tin relacionnan di narcotica cu Bouterse y te awe Hendrik Seferino no a keha e corant pa e rectifica! Di con? Nos mester asumi anto cu e ta berdad? Y si ta asina, ki mishie ta cana rond liber y meti te den su higra cu e maneho di MEP? E berdadero desgracia di e partido ta cu e tin un lider cu ta yiu di Hendrik Seferino Ministro Narco-complaciente (o peor) di MEP. Cu e spada di Damocles ey guinda riba su cabez, Evelyn no por tin libertad di accion o di pensamento pasobra e rosea di Hendrick tine marea y e no por entretene pensamentonan politico normal. Su seriedad a caba cu su pasantia den e departamento di Belasting. Djey padilanti el a bira  un simple titere di e persona mas maligno cu mi a yega di conoce na Aruba. Pa mi, nada bon por sali di e relacion politico ey. MEP, pesey mes a resulta cu e peor maneho politico cu el a hereda of a yega di tin. Despues di Betico y Nel, e ausencia di un berdadero lider ta penosamente obvio!

 

 

 

 

- Advertisement -

DUNA COMENTARIO

Please enter your comment!
Please enter your name here