Home Policial Polis a descubri cultivo grandi di marihuana na Kibaima

Polis a descubri cultivo grandi di marihuana na Kibaima

3
0
SHARE
- Advertisement -

Entre 400 pa 500 mata:

ORANJESTAD (AAN): Diaranson mainta banda di 7’or dos agente policial patruyando den bario di Kibaima a haya un holor basta fuerte cu tabata saliendo for di direccion di un cas.

E polisnan a bay check rond di e cas for di unda e holor tabata sali y den cura a topa cu un plantacion substancial di matanan di marihuana. Ta calcula cu tabatin entre 400 pa 500 mata planta, bon scondi.


E agentenan a notifica nan coleganan di Santa Cruz pa refuerso pa sigui investiga den e area y den e cas. E buskeda rond y den e cas a tuma luga bao di guia di Departamento di Droga di Cuerpo Policial, cual a tuma e caso over y ta siguiendo cu e investigacion.

Na momento di e hayazgo no tabatin hende na cas, pero si polisnan a haya pertenencianan di un hende muhe, un hende homber y un baby den e cas. Den e cas tambe tabatin artefactonan pa cultivo di marihuana y procesamento di e matanan.

Cu e hayazgo aki Cuerpo Policial ta elimina un cultivo grandi di mata di marihuana y ta intercepta y stop e produccion y distribucion di un cantidad considerabel di droga di produccion local riba nos isla.

Cuerpo Policial ta orguyoso di ta conta cu Polisnan atento y proactivo cu ta haci nan maximo esfuerso pa contribui na un Aruba mas sigur.

 

- Advertisement -

DUNA COMENTARIO

Please enter your comment!
Please enter your name here