Home General Protesta na Parlamento di studiantenan di Klas 6 di Scol Kudawecha

Protesta na Parlamento di studiantenan di Klas 6 di Scol Kudawecha

2
0
SHARE
- Advertisement -

ORANJESTAD   (AAN): Mas of menos 15 mucha di klas 6 di Kudawecha a bai parlamento. Esaki despues di scol pa asina mustra nan malcontento cu a manda un docente di nan scol y klas cas. Drs Marisol Lopez Tromp na salida a topa cu algun mayor y tambe studiante. Despues cu presidente di parlamento a atende cu nan mesora a busca su comentario.

Drs Marisol Lopez Tromp a haya un carta caminda cu ta mustra bon cla tambe kiko ta e situacion pa cu e docente cu actualmente ta malo na cas.   Algun miembro di MEP a baha mesora pa asina topa cu algun mayor y grupo di mas of menos 15 mucha pafo. Lider di MEP tabata tey.

Durante entrevista el a comenta riba e carta tambe cu a wordo manda pa e docente.  Silvia Croes ta un mayor tambe di alumno den zesde klas. E tambe a comenta un tiki riba e situacion actual unda nan kier pa e docente bin bek pasobra e ta afectando e situacion di e muchanan di klas cu nan siñamento.

Isabela Suarez ta un studiante di e scol Kudawecha. El a bai na parlamento tambe hunto cu e otro coleganan di klas. E tambe expresa su mes hunto cu e demas coleganan di klas. El a conta cu nan kier nan docente bek den klas pasobra e ta duna nan e animo necesario pa sigui studia. Nan ta bisa cu ta un bon docente y sin dje nan no tin gana di bai haya les.

 

 

- Advertisement -

DUNA COMENTARIO

Please enter your comment!
Please enter your name here