Home General Pueblo ta bolbe pidi Prome Minister Eman pa exigi VISA pa e...

Pueblo ta bolbe pidi Prome Minister Eman pa exigi VISA pa e Venezolanonan!

1
0
SHARE
- Advertisement -

Venevision ta sigui cu campaña pa nan bin establece na Aruba:

ORANJESTAD (AAN) – Atrobe televidentenan na Aruba a tuma nota cu e canal Venevision ta sigui cu su campaña pa e Venezolanonan bin establece na Aruba, y ta pinta nos Isla como e pais di mas facil pa haya trabao, pa cumpra cas, pa lanta negoshinan chikito, y hasta pa nan drenta ilegal, busca trabao y despues drecha nan status!

Asina sin mas ta wordo transmiti den Venevision, comosifuera Aruba ta un pais habri pa tur hende, mientras nos realidad ta cu NO TIN CAMA PA TANTO HENDE!

Nos redaccion a haya yamada tras yamada den e transcurso di dialuna, di un pueblo masha rabia cu a cuminza fada di mira tanto stranhero cu ta bin biba na Aruba y ultimo tempo un entrada masal di Venezolanonan, cu ta acapara tur producto den supermercado, cu no ta laga espacio den transporte publico pa nos mes hendenan, y cu ta sinti manera nan ta doño di nos pais.

“Nos kier pa prome minister Mike Eman duna nos oido, y exigi pa e Venezolanonan drenta Aruba cu VISA”, ta reaccion di varios persona.

Hopi di e Venezolanonan cu ta suppose ta drenta pa temporadanan cortico, ta pidiendo expansion di nan estadia y tambe ta haciendo tramitenan pa nan keda na Aruba.

Tambe a wordo informa na nos redaccion cu tin indicacion fuerte cu Minister di DIMAS ta dunando tereno pa loco na hendenan di afo, hasta lagando hopi di nos mes hendenan riba lista di spera.

Esaki ta bin dilanti na nos redaccion cu demasiado insistencia y ta mustra cu ta wordo señala pa personanan cu ta bon na haltura di e situacion, podise nan ta liga na e departamento concerni, esta DIP (Departamento Infrastructura y Planificacion) cu ta esun cu ta otorga tereno.

Nos pueblo ta puntra si na Aruba mester yega asina leu manera na paisnan di Europa, entre otro Hulanda mes, cu a satura di stranhero y na dado momento nan no tabata sa kico mas pa haci pasobra nan mes poblacion a haya su mes limita cu vivienda, cu trabao, hopi stranhero a habri negoshi chikito chikito aki aya, y e ambiente a bira asina carga cu no por hala rosea trankil mas.

Asina ta bay sosode na Aruba si no pone limite y e unico cu por haci esaki ta nos mes gobierno! Pesey e mensahe pa nos prome minister “Mike, auxilio! No laga bo pueblo na caya, frena e entrada di tantisimo Venezolano exigiendo VISA pa nan, pasobra Aruba ta un pais chikito cu no por carga mas stranhero ni por competi cu nan pa haya transporte publico, vivienda, cuminda, school pa nos yiunan, y plus trabao cu nan ta tumando man habri y ilegalmente, pa kico cu ta cu nan wordo paga!”

 

 

 

 

- Advertisement -

DUNA COMENTARIO

Please enter your comment!
Please enter your name here