Archivo di April, 2015

Pitbull ta confirma su presentacion durante e prome Aruba Summer Music Festival

Publication: Thursday, 30 April 2015. Categoria: General

ORANJESTAD    (AAN):  Diabierna 26 di juni y Diasabra 27 di juni 2015 Aruba lo bira escenario di e prome edicion di “Aruba Summer Music Festival”. Durante un conferencia di prensa e organizadornan a anuncia un elenco estelar di artistanan manera Carlos Vives, Nicky Jam, Jerry Rivera y Elvis Crespo.

A keda pendiente e anuncio di un artista sorpresa y ayeranochi a confirma e presentacion di e famoso artista Pitbull.

Armando Christian Pérez conoci pa su nomber artistico Pitbull, ta un artista mericano di Miami cu un lista grandi di cancionnan cu a causa revuelo,  premionan y giranan di conciertonan exitoso.

BBO ta bay wordo elimina ora cu ABB drenta na vigor

Publication: Thursday, 30 April 2015. Categoria: General

Minister di finansa Angel Bermudez

ORANJESTAD (AAN) Gobierno a nombra un comision cu ta traha riba simplificacion di e leynan di impuesto. Na momento cu esaki ta cla, e actual BBO lo disparce tambe. Esaki a wordo bisa door di Minister Angel Bermudez recientemente.

E sistema di BBO aworaki ta uno complica pa hopi ciudadano. Aworaki e belasting di BBO ta wordo cobra ora un producto drenta, den mayor, pero cada biaha cu e pasa un schakel ta sigui cobra e BBO te ora cu e yega na e negoshi di mas chikito.

Den e sistema nobo cu un comision di Gobierno ta trahando riba dje, esta e asina yama ABB, Algemene Bestedings Belasting, ta bay tin un solo cobransa, cual ta na momento cu e producto drenta Aruba y despues e no ta wordo cobra mas. “E ABB no ta wordo cobra den e economia mas ora cu e producto pasa den e diferente schakelnan.” E cambio aki ta haci cu e control ta bira mas simpel.

Na momento cu ABB drenta na vigor, e BBO ta cay afo. ABB ta parti di e renobacion y reformacion di e arsenal di leynan anticua di impuesto. E ta parti di e leynan nobo, cu ta trece un cambio di directo pa indirect belastingnan.

“E ta un oportunidad unico pa mira e celebracion di 200 aña di Reino Hulandes di e forma aki”

Publication: Thursday, 30 April 2015. Categoria: General

Gobernador Refunjol ta invita pueblo pa Sail Aruba

ORANJESTAD   (AAN):  Su Excelencia Gobernador Fredis Refunjol, a haci un invitacion na henter pueblo di Aruba pa bishita e evento di Sail Aruba, cual ta tuma luga e fin di siman aki den haf di Oranjestad.

Na aña 2013 a cuminsa cu e celebracionnan di 200 aña di existencia di Reino Hulandes y a combina e celebracion di 350 aña di Marina Real den e evento na Aruba cu a haya e nomber di Sail Aruba.

“Como parti di Reino nos ta haya importante toch pa pone atencion na e celebracion aki; ya cu e hecho di pertenece na un Reino grandi ta duna nos garantia y beneficionan. Asina nos ta wordo representa door di un potencia, manera Hulanda, cu tin hopi influencia. Haciendo uzo di Embahadanan Hulandes por duna nos hopi mas beneficio …. Pesey pa celebra 200 aña ta bon pa para un rato keto y refleha riba esaki,” Gobernador Freddy Refunjol a expresa.

Awenochi Rey Willem-Alexander y Reina Máxima ta yega Aruba

Publication: Thursday, 30 April 2015. Categoria: General

ORANJESTAD   (AAN): Diahuebs algo prome cu 10or di anochi Su Mahestad Rey Willem-Alexander y Reina Máxima ta yega Aruba riba vuelo charter di InselAir Aruba. E pareha real lo tin dos dia yena cu actividadnan pa celebra hunto cu Aruba e 200 aña di existencia di Reino.

Riba prome di Mei nan lo bishita e “ambtswoning” of miho conosi como e Cas di Gobernador (nobo) den Maria Christinastraat. Esaki lo tuma lugar pa 9:30 or di mainta. Pueblo ta invita pa duna nos monarcanan un caluroso bon bini.

Ta recomenda pa yega un mey ora prome asina por haya suficiente tempo pa busca lugar di para auto. Despues e pareha lo yega na Waf di Playa pa experencia Sail Aruba. Pa 11or di mainta nan lo ta presente pa habri e evento aki. E Pareha Real lo keda te 3or di atardi na Sail y lo admira e diferente barconan.

E show di Marina Real riba lama pero tambe come cuminda di lama. Anochi 7:45 e dia lo culmina cu e musical Soldaat van Oranje. Dia 2 di mei pareha lo presencia un programma priva y lo dispidi di Auba pa 1:30 di atardi.

 

Te ainda no a caba di investiga accidente fatal

Publication: Thursday, 30 April 2015. Categoria: Policial

Cuerpo Policial Aruba:

E di dos morto den trafico na Pos Chikito

ORANJESTAD   (AAN): E investigacion di Polis, relaciona cu e accidente fatal cu a sosode dia 13 di maart ultimo no ta completamente cla ainda, aunke e ta bastante avansa si. Departamento di Trafico di Cuerpo Policial Aruba hunto cu Lands Recherche bou supervision di Ministerio Publico ta kedando cla cu e investigacion, pa por tuma un decision riba ki paso lo tuma.

E accidente a sosode diabierna den oranan laat di atardi na altura di Pos Chikito, ora cu un auto, maneha pa un civil na Polis den su tempo liber, a alcansa un mucha. Su mañan e victima Zinnia Croes a fayece na Hospital debi na e sla nan ricibi. Investigacion na e sitio mes a demostra tambe cu e chauffeur tabata bou influencia di alcohol, o sea a surpasa e nivel di alcohol den su rosea, ora a haci test cune na e sitio di accidente y despues tambe na Warda di Polis.

Empleadonan di Gobierno tin dos luna pa dicidi si ta bay cu VUT

Publication: Thursday, 30 April 2015. Categoria: General

ORANJESTAD (AAN): Departamento Recurso Humano (DRH) ta informa lo siguiente:

Den cuadro di e maneho dirigi pa controla y baha gasto di personal di Gobierno a dicidi pa reactiva e Ley pa Retiro Boluntario (VUT-regeling). Entrante   1 di mei 2015 te cu 30 di juni 2015, e personal di Gobierno por haci uzo di e areglo pa retiro boluntario.

E VUT-regeling 2015 ta encera e.o.:

Vut-uitkering te cu maximo di 36 luna (condicionnan aplicabel):

90% di ultimo entrada mensual ricibi durante e prome diesdos (12) lunanan;

80% durante e diesdos (12) lunanan cu ta sigui;

70% durante e ultimo diesdos (12) lunanan.

Minister Bermudez a ricibi rapport positivo di Fitch cu rating BBB- pa Aruba

Publication: Thursday, 30 April 2015. Categoria: General

ORANJESTAD   (AAN):  Recientemente Minister di Finanzas, Angel Bermudez a ricibi e ‘ratings’ di Fitch cu a cualifica Aruba como ‘BBB-‘.

Esaki ta indica cu e expectativa di riesgo ‘non-payment’ ta abou mientras cu e capacidad di pago di compromisonan financiero ta wordo considera adecua, sin embargo condicionnan economico por afecta e capacidad aki.

Algun di e factornan cu peso pa e ‘rating’ positivo aki segun e expertonan di Fitch ta entre otro, e crecemento di e PIB real cu un 1,1% den 2014, pues nan ta spera tambe un crecemento aproxima di 2% den 2015 y 2016, cu tambe ta cuadra cu e prevision di Banco Central y Ministerio de Finanzas tambe.

Hobennan y nos muchanan ta keda e liña cora den e preguntanan na e Ministernan.

Publication: Thursday, 30 April 2015. Categoria: General

Parlamentario Jennifer Arends-Reyes

ORANJETSAD (AAN): Parlamentario Jennifer Arends Reyes di AVP, a splica cu e reunionan pa tratamento di presupuesto 2015 a cuminsa cu e Ministerio di Husticia. Durante di e reunion aki diferente pregunta y topico a bin dilanti di parti di fraccion di AVP y hopi di e preguntanan tin di haber cu nos hobennan y nos muchanan.

Ta di aplaudi cu tur Ministerio di Aruba especialmente den e ultimo 5 añanan ta enfoca mas riba nos Hubentud y muchanan y ta cosechando exito cu e programma nan y maneho.

Apesar di esakinan tin fenomeno cu mester atencion specifico y tin di haber cu nos hobennan cu ta cai den mal caminda y cu ta exihi pa tur instancia, organizacion, schoolnan y mayornan pone mas enfasis ariba guia y communicacion.

ATA a entrega rapport annual pa aña 2014 na Minister di Turismo y ta hopi satisfecho cu e resultadonan

Publication: Thursday, 30 April 2015. Categoria: General

ORANJESTAD  (AAN): Diamars Aruba Tourism Authority (ATA) a entrega e rapport annual di Oficina di Turismo pa aña 2014 na Minister di Turismo.

Segun Directora di ATA Ronella Tjin Asjoe-Croes, ta trata di e di 4 edicion.

El a splica cu conforme ley, ATA tin cu entrega esaki prome cu prome di April na Hunta di supervision di ATA.

A cumpli cu esey, hunta di supervision a evalua esaki, nan a aprobe y awor el a wordo entrega na Minister Diamars.

Sail Aruba: un evento maritimo grandisimo e fin di siman aki

Publication: Thursday, 30 April 2015. Categoria: General

ORANJESTAD   (AAN): Sail Aruba, e evento maritimo di mas grandi den area di Caribe, ta tuma luga for di prome pa 3 di mei riba “One Happy Island” Aurba. E tereno di waf na Oranjestad lo ta yena di bida cu actividad na tera, riba lama y den aire.

Sail Aruba ta un iniciativa di Gabinete di Gobernador, den cuadro di celebracion di 200 aña di Reino.

Rey Willem-Alexander a duna e señal pa inicio di e celebracion aki riba 30 di november 2013. E intencion ta pa tene eventonan te cu october, di e aña’ki, di tur cos cu tin di haber cu locual a sosode den Reino Hulandes den e ultimo dos siglonan.

Subsidio Arubus pa 2015 no a worde aumenta cu 3 miyon Florin

Publication: Thursday, 30 April 2015. Categoria: General

Minister Otmar Oduber a aclarea

ORANJESTAD (AAN): Por a scucha expresionnan populista di e lidernan di e dos partidonan den oposicion den Parlamento pa loke ta trata subsidio di Arubus pa 2015 unda cu nan a indica cu esaki a worde aumenta cu 3 miyon Florin pa gastonan operacional di Arutram.

Esaki no ta cuadra absolutamente cu berdad y Minister Otmar Oduber a mustra enfaticamente riba esaki y a califica e expresionnan di e dos miembronan di oposicion como populista.

E mandatario a indica cu e informacion cu lo ta poniendo tres miyon adicional pa Arubus pasobra cu e gastonan di Arutram a aumenta no ta cuadra at all cu berdad y cu ta hungando popularismo.

FARPA ta bay presenta tremendo obra cu ta ilustra e intercambio entre e cultura di Aruba y cultura Latino

Publication: Thursday, 30 April 2015. Categoria: General

ORANJESTAD   (AAN): Fundacion Arte Pro Arte (FARPA) a tene un conferencia di prensa Diaranzon, relaciona cu introduccion di e obra di Teatro “Cambio di Horizonte”, cu lo wordo presenta dia 6 di Mei 2015 pa 8’or di anochi na Cas di Cultura.

Directora di e obra Amy Lasten di FARPA a splica cu esaki ta un obra hopi special, pasobra e ta trata un tema actual, cu ta confrontacion di cultura.

“Bo ta haya un pareha unda cu un homber Latino ta casa cu un mucha muher Arubiano, pero e mama di e mucha homber y tres ruman homber ta bin nan cas”.

“Eynan bo ta haya un confrontacion entre e Arubiano y e Latinonan”.

Preso na KIA ta den welga di hamber

Publication: Thursday, 30 April 2015. Categoria: General

pa protesta contra su extradicion pa Merca

ORANJESTAD  (AAN): Diaranzon redactor di corte di DIARIO a ricibi un yamada for di KIA, relaciona cu un caso di extradicion.

Ta trata di e preso C.D.L.C, kende a wordo deteni y acusa di conspiracion pa importacion di droga y conspiracion di distribucion di droga y awor ta bay wordo extradita pa Merca.

Ta asina cu C.L.C a wordo deteni, despues cu algun agente Mericano ‘undercover’ a bin Aruba pa cumpra droga pa bay cu esaki pa Merca.

Minister di Turismo hopi satisfecho cu e cifranan impresionante treci dilanti pa ATA

Publication: Thursday, 30 April 2015. Categoria: General

ORANJESTAD   (AAN): Diamars a tuma lugar un conferencia di prensa na ATA, relaciona cu entrega di e rapport annual di 2014 na Minister di Turismo Otmar Oduber.

E Minister a expresa cu el a keda satisfecho cu e resultadonan di 2014 y cu a hasi diferente estudio pa percura pa e metanan poni su dilanti por wordo logra tambe na final di 2015.

“Nos lo hasi tur cos pa logra e resultadonan cu nos tur ta verwacht pa surpasa e expectativanan cu nos a pone nos dilanti”.

“Importante ta den henter e proceso pa nos por recapacita, pasobra hopi biaha nos ta biba pa futuro cu ta bon, pero de bez en cuando como mandatario y esnan cu ta pone vision y maneho pa dilanti, bo mester analiza for di unda bo ta bin, pa bo por determina kico ta e futuro cu bo ta scoge pa un nacion y den e caso aki e maneho cu ta carga  e economia principal di e nacion aki”.

Departamento di DTP a investiga tur dos caso relaciona cu Taxi

Publication: Thursday, 30 April 2015. Categoria: General

ORANJESTAD (AAN): Durante ultimo simannan Departamento Transporte Publico (DTP) a tuma nota cu tabatin diferente speculacion riba social media y prensa tocante e incidentenan di cual dos taxista ta envolvi y pa cual motibo DTP ta desea di aclarea un cu e otro relaciona cu e incidentenan aki.

E caso unda cu dos turista masculino a maltrata un dama taxista, TX-300 tin di aclarea cu di parti DTP a conduci un investigacion unda DTP a tuma declaracion di e dama taxista y alavez declaracion por escrito di empleado di Divi Links, elugar na unda e caso a tuma lugar.

Na momento di e sucedido di parti Divi Links a tuma contacto inmediatamente cu polis, unda a detene dos turista masculino. Debi cu tabata trata di un caso di maltrato, e dama taxista a entrega un keho na instancianan concerni, esta na polis.