Home General Asina a honra dedicacion y amor pa turismo di Aruba

Asina a honra dedicacion y amor pa turismo di Aruba

2
0
SHARE
- Advertisement -

Durante “You celebration” di Aruba Tourism Authority
ORANJESTAD (AAN): “Exito ta resultado di perfeccion, di trabao duro. E ta e realisacion cu mester mantene soñonan bibo door di mantene un vision cu determinacion y dedicacion pa esunnan cu a sobresali pa añanan na Aruba Tourism Authority. E nifica stima bo pida baranca Aruba y ta e stimacion aki cu ta haci posibel pa keda leal pa asina tanto aña na e mesun trabao”, asina Ronella Tjin Asjoe-Croes, C.E.O di Aruba Tourism Authority cu masha hopi emocion a relata.

Desde  e inicio di ATA Sui Generis a conoce hopi diversificacion y innovacion door di mentenan cu conoce turismo di Aruba manera ningun otro y a sa di duna gran parti di nan bida na crea un miho Aruba. Y reconocimento pa talento, amor, perseverancia ta lo minimo cu por duna nan.

Entre e empleadonan cu a celebra tanto aña di dedicacion y lealtad pa Aruba Tourism Authority ta inclui Glennie Tromp, kende a cumpli no menos cu 35 aña di servicio, di caracter ingenioso, responsabel den ehecucion di su trabao y creaccionnan pro activo.

Tambe tin un grupo cu a cumpli 30 aña trahando pa Aruba Tourism Authority, manera Miriam Dabian, Directora di ATA Colombia, un persona dedica, ambicioso y determina. Theodoor de Jongh, responsabel, team player y sumamente leal. Renny Lacle, independiente, creativo y leal.

Esunnan cu a cumpli 25 aña di servicio leal na turismo di Aruba ta Theresita Chai, amistoso, cortes y leal. Jerusha Rasmijn, apasiona, carismatico y intuitivo. E grupo cu ta cumpli 20 aña di servicio na ATA ta Jasmine Maduro,  creativo, carismatico y independiente. Ricardo Croes, carismatico, creativo y leal. Amayra Boekhoudt, persona cu bo por conta cune, aventurero y creativo. Ortencia Buckley, energetico, alegre y leal.

Esunnan cu tin 15 aña caba haciendo e mesun trabao aki di promove turismo di nos isla ta Maureen Gomes-Werleman, organiza, accesibel y ingenioso. Mirto Erasmus, responsabel, honesto y amabel. E grupo cu tin 12.5 aña di servicio ta inclui Sjeidy Feliciano, pro-activo, dedica y perfeccionista. Daisybelle Habibe, ingenioso, carismatico y alegre.

E grupo cu tin 10 aña caba trahando na Aruba Tourism Authority y cu tambe diariamente ta aporta na mas crecemento y desaroyo di nos turismo ta Melanie Evans- Kelly, diligente, creativo y alegre. Ernest “Enty” Giel, amistoso, carismatico y elocuente. Rayon Koolman, cooperativo, amistoso y observante. Paula Ochoa, carismatico, responsabel y dedica. Yuraima Solognier, responsabel, honesto y amistoso.

Exito en realidad ta persistencia, lealtad, e realisacion cu pa logra cualkier cos den bida ta rekeri fe y confianza den bo mes. Cu tur cos ta posibel pa esunnan cu ta kere den nan mes, den e caso aki, tur cos ta posibel na momento cu bo tin Aruba na prome luga. Pabien na tur e hubilarionan!

 

 

- Advertisement -

DUNA COMENTARIO

Please enter your comment!
Please enter your name here