Home General CMB y San Fuego Cycling Club ta presenta “Sunrise City Criterium”

CMB y San Fuego Cycling Club ta presenta “Sunrise City Criterium”

8
0
SHARE
- Advertisement -

Pa prome biaha na San Nicolas.

ORANJESTAD (AAN): Despues di varios aña inactivo San Fuego Cycling Club ta back y conhuntamente cu Caribbean Mercantile Bank N.V. nan a organiza e ‘Sunrise City Criterium’ pa prome biaha den centro di San Nicolas. E competencia di ciclismo aki lo tuma luga diabierna, 1 Mei cuminsando for di 8’or di mainta te cu 2’or di atardi.

Segun Mr. Reinaldo Mackintosh, presidente di San Fuego Cycling Club nan ta sumamente contento cu a pesar cu nan tabata inactivo pa hopi tempo, awe nan por conta cu e sosten di CMB un biaha mas “Nos colaboracion cu CMB ta uno di hopi aña caba. Den pasado nos a realisa proyectonan grandi cu CMB nos banco amigo y nan a keda nos amigo pa tur e aña nan aki tambe”.

CMB ta contento di por contribui na e hobennan cu ta activo den deporte di ciclismo y sigur na comunidad di San Nicolas tambe, “Menos cu un luna pasa nos tabata kinan na San Nicolas cu nos evento di ‘Approval City’ y nos ta sigui aporta na e bienestar di e comunidad di Aruba pues e biaha aki nos t’ey back na San Nicolas cu mas esfuerso y dedicacion pa loke ta trata deporte, pa mantene nos hobennan activo tambe y riba e bon caminda”, asina Sr. Ilan Lopez, Marketing & Public Relations Officer di Caribbean Mercantile Bank N.V. a expresa.

E club di ciclismo di San Fuego a ricibi hopi bon reaccion durante siman pa cu e ‘Sunrise City Criterium’. Sr. Mackintosh ta splica cu e competencia aki ta conta cu diferente categoria pa grandi y chikito pues su conseho sigur ta pa inscribi na tempo pa e actividad aki na Tri Bike, Radio Shack of FX Sports. Ademas e competencia aki ta conta cu colaboracion di Parlamento Hubenil cu lo brinda henter e comunidad di San Nicolas un bar y cushina bon surti.

Caribbean Mercantile Bank N.V. ta desea tur participante hopi exito durante e “Sunrise City Criterium” y ta invita henter comunidad di Aruba pa basa bishita San Nicolas 1 di Mei cuminsando for di 8’or di mainta te cu 2’or di atardi pa disfruta di un tremendo careda y na mes momento pa apoya tur ciclista den e competencia aki.

 

- Advertisement -

DUNA COMENTARIO

Please enter your comment!
Please enter your name here