Home Politica Na Aruba mester bin cu ley di referendum consultivo

Na Aruba mester bin cu ley di referendum consultivo

5
0
SHARE
- Advertisement -

Lider di PDR mr. Andin Bikker:

mescos cu na Hulanda

ORANJESTAD (AAN) – Na Hulanda, nan a caba di introduci un ley di referendum consultivo. Asina mr. Andin Bikker, lider di fraccion di PDR a menciona, den conferencia semanal di prensa.

E parlamentario a señala cu manera ta conoci, PDR tin añanan ta papiando di un ley similar, pasobra no por nada su partido ta yama “Democracia Real”.

El a subraya cu tin politiconan ta corda riba pueblo solamente cada cuater aña ora tin eleccion “y te cu nos sa, pueblo no a nace 29 di Februari”. Democracia Real ta bisa cu meter consulta cu pueblo constantemente, pero por ripara cu gobernantenan ta tuma decisionnan sin consulta cu e pueblo, sin cu nan a bay campaña cu e tema concerni.

PDR a tuma nota cu for di 2012 bin ariba, diesdos porciento di nos producto bruto nacional a cay afo debi na e ciere di e refineria, sinembargo gobierno a dicidi cu ta bay desmantela e refineria sin cu a consulta cu e pueblo.

Segun e parlamentario asina ta sosode cu otro temanan, cu constantemente por ripara cu gobierno ta asumi cu e tin un mandato, pero den un eleccion general ta imposible cu e pueblo por expresa su mes riba temanan cu, automaticamente, no ta wordo separa pa por eherce su derecho di voto riba dje.

Pero den un referendum consultivo manera Hulanda a caba di introduci, cu ta un ley di iniciativa cu Parlamento di Hulanda a bin cune y no e gobierno, unda e parlamentario tin entendi cu mester recauda diez mil firma, cu ta wordo presenta na Parlamento, y di eynan ta bin cu un di dos ronda consultivo, y e ora ey Parlamento cu ta esun cu ta representa pueblo, ta haya un feedback di pueblo, kico nan ta pensa riba un tema.

Por ehemplo, si por aplica esaki na Aruba, si por consulta cu pueblo si mester bay den otro direccion cu e refineria y e contesta ta cu si, of cu no pasobra e comercio ta hopi slow mes, ya cu tin hopi keho na San Nicolas cu for di ciere di e refineria no tin mucho movecion economico, via un referendum consultivo por haya sa kico pueblo ta pensa riba un tema specifico, na lugar cu cada cuater aña bay den un eleccion general, unda eigenlijk hopi hende ta vota pero cu no por expresa su mes riba un asunto specifico.

 

 

- Advertisement -

DUNA COMENTARIO

Please enter your comment!
Please enter your name here