Home General Na e Miami Trade Mission Eman ta fungi como hefe di delegacion...

Na e Miami Trade Mission Eman ta fungi como hefe di delegacion di Reino

0
0
SHARE
- Advertisement -

Premier Mike Eman ta atende cumbre na Panama hunto cu Premier Mark Rutte

ORANJESTAD(AAN): Dianan 10 y 11 di april 2015 ta tuma lugar na Panama e ‘Cumbre de las Americas’ cu ta e cumbre mas grandi di e region. E tema di e cumbre aki ta ‘Sustainable Prosperity’, un topico prioritario pa Aruba. Na varios occasion Prome Minister Eman ta papia riba prosperidad sostenibel, ultimo ainda ta e cumbre ‘Summit of the Americas’ na Washington unda Eman tabata riba invitacion special di Vice-Presidente Joe Biden den nomber di President Obama. Na Aruba Eman y su Gabinete ta trahando duro pa logra e tan esencial prosperidad sostenibel pa Aruba y su hendenan. Un topico halto riba agenda di Gabinete Mike Eman. Presidente Mericano Barack Obama tambe lo ta presente na e cumbre na Panama.

Prome Minister di Hulanda Mark Rutte a worde invita pa ta presente na e cumbre na Panama como representante di Reino y observador di OAS (Organization of American States). Teniendo na cuenta e topico di e cumbre na Panama y Aruba su envolvimento y interes den dje, Premier Rutte a invita Prome Minister di Aruba Mike Eman pa compañe na e cumbre aki.

E bon relacion di Eman cu lidernan den region, e bon nomber di Aruba y e papel importante cu e isla aki ta hunga den e region, ta di gran importancia pa Rutte, kende kier cera conoci cu e lidernan aki por medio di Prome Minister di Aruba Mike Eman, kende ta hopi aprecia y tin masha bon contacto den e region. Esey a keda demostra na mas di un occasion.

Banda di e cumbre na Panama ta tuma lugar tambe un Trade Mission na Miami dianan 16 y 17 di april. Prome Minister Eman eynan lo fungi como lider di e delegacion comercial di Reino. Na e Trade Mission aki cu ta hiba como tema ‘Maritime/Logistic’ lo participa companianan grandi di Hulanda, entre otro Boskalis, Phillips, BAM, KPMG, Van Oord NV y hopi mas. Aruba Ports Authority (APA) tambe lo ta presente eynan.

Prome Minister ta worde compaña na e Trade Mission aki pa director di APA, Jossy Figaroa, Carlyle de Couteau, director Directorate Shipping Aruba, Richard Arends consehero Minister de Meza y señora Lucia White di Freezone Aruba. Ta di vital importancia pa Aruba ta presente na e Trade Mission aki unda cu por intercambia di pensamento cu companianan grandi na Hulanda cu tin franchise na hopi parti di mundo.

 

- Advertisement -

DUNA COMENTARIO

Please enter your comment!
Please enter your name here