Home Politica Ta bay haci un investigacion riba locual a sosode cu Minister de...

Ta bay haci un investigacion riba locual a sosode cu Minister de Meza na aeropuerto

2
0
SHARE
- Advertisement -

*Minister Oduber ta sinti cu e incidente tin un ‘holor politico’

ORANJESTAD  (AAN): Dialuna a tuma lugar un incidente  na aeropuerto, unda security a tow auto di Minister Mike de Meza y Dialuna prensa a puntra Minister di turismo Otmar Oduber su reaccion riba esaki, mirando cu den cierto medionan di prensa a wordo publica cu de Meza lo a yama Oduber pa regla e asunto cu de Meza lo no a paga e 75 florin cu mester paga, ora cu nan pone bao auto riba takelwagen y bay cune.

Oduber a indica cu tin cosnan straño a tuma lugar na aeropuerto Dialuna mirando cu e miembronan di seguridad cu a atende cu e asunto a bisa cu nan a purba tuma contacto cu director di aeropuerto y cu nan no a logra, siendo cu e mes a yama y a haya e director mesora.

E Minister ta sinti cu locual a sosode ta mustra di tin algo politico su tras, pero el a splica cu un investigacion lo determina kico a sosode exactamente, mirando tambe cu full rond aeropuerto tin varios camera cu ta graba tur cos.

Entre otro lo por mira si e miembro di seguridad di berdad a acerca Minister de Meza pa e hala su auto of no.

Aparentemente esnan encarga cu seguridad di aeropuerto pa loke pa stacionamento di auto pafo di aeropuerto lo a wanta e auto di e mandatario pa basta rato riba e takelwagen net dilanti di aeropuerto y segun Oduber, esaki no ta algo normal.

Pesey segun Minister  di Turismo, un investigacion lo determina kico tur a tuma lugar.

Segun Oduber, celularnan ta hopi moderno awendia y lo por determina facilmente ki ora director di aeropuerto a wordo yama, manera cu a wordo sugeri door di e propio persona di seguridad, cu a yama e director.

“No ta cuestion di cu e Minister a bay yama director”.

“Mirando cu de Meza no tabata tin su cartera cune na e momento ey e Minister a pidi pa nan yama e director pa e por bay cu su auto y pa e paga despues”, segun Oduber.

“Riba e peticion ey e Minister a yamami, ma yama e directornan y lamentablemente nan a indica cu nan no a haya yamada for di e miembronan di seguridad cu a atende cu e asunto y pesey un investigacion lo tuma lugar, pa wak si locual a tuma lugar ta e procedura normal, of si den e casi aki tabata in un meta politico su tras, pasobra bo mes por wak ta cua ta e medionan di comunicacion cu a wordo yama, pa publica esaki”, e mandatario a sigui bisa.

Prensa a puntra Oduber tocante e maneho di staciona auto na y dilanti di aeropuerto y el a splica cu un Minister tin e autorizacion pa por acomoda su auto na aeropuerto.

“Berdad ta si cu e prome caminda dilanti e edificio di aeropuerto ta mas adecua pa hasi esaki, pero e Minister ta keda un Minister y un di e ‘shareholders’ di aeropuerto, el a identifica su mes y una bez cu el a identifica su mes y el a bisa cu e ta dispuesto pa hala e auto pero toch bo ta wanta e auto pa mas di mey ora riba takelwagen dilanti di aeropuerto y bo no ta hibe for di e sitio manera ta e procedura normal, esaki ta mustra un tiki straño”.

“Banda di esaki bo ta bisa cu bo no ta haya e director di aeropuerto?”

“Esey kiermen cu si un avion tabata cla pa accidenta na aeropuerto bo lo no por a haya contacto cu e director?”.

Esaki segun Oduber cu ta bisa cu esakinan ta cosnan den e storia cu no ta cuadra.

 

 

- Advertisement -

DUNA COMENTARIO

Please enter your comment!
Please enter your name here