Home General Team Aruba cla pa conkista Bradenton Motorsports park

Team Aruba cla pa conkista Bradenton Motorsports park

0
0
SHARE
- Advertisement -

ORANJESTAD (AAN): Billboard mas grandi di Aruba ta luci riba caminda rumbo pa Florida!

E weekend venidero ta uno grandi pa Team Aruba caminda lo competi na Bradenton, Florida. Durante siman Team Aruba a subi caminda cu nan trailer nobo cu un diseño unico ilustrando e bunita beach di Aruba.

Ariba e potretnan por mira e resultado final di e trailer di Team Aruba, kende alavez di ta transporta e Ford Mustang, maneha pa Trevor Eman, ta worde considera e billboard di mas grandi di y pa Aruba den exterior.

‘Nos trailer a capta hopi atencion ariba caminda pa Florida. Ya  varios hende cu a contact nos despues di a mira nos riba caminda e siman aki. Tambe tin hendenan cu bin saca potret cu nos na gas station’, Sr. Trevor Eman ta bisa. ‘Esaki mas cu claro ta un sentimento di satisfaccion enorme y ta por mira e efecto di promocion aki pa Aruba. Nos kier a gradici Sign FX pa e tremende trabao di print y instalacion pero tambe Ingenuity Creative Marketing pa e tremendo design. Sin nan nos lo no tin un trailer asina great.”

Trevor a sigui ta bisa: “Awor cu tur cos a cuminsa cai den su lugar nos ta kla pa bay conkista Bradenton y bay pa e premio maximo.”

Por sigui e careda di fin di siman aki via www.ihra.com.

 

- Advertisement -

DUNA COMENTARIO

Please enter your comment!
Please enter your name here