Home General Cruz Cora ta conmemora victimanan y refleha riba trabao humanitario riba dia...

Cruz Cora ta conmemora victimanan y refleha riba trabao humanitario riba dia 8 di mei

1
0
SHARE
- Advertisement -

ORANJESTAD(AAN): Riba dia 8 di mei mundialmente e mas di 5 miyon miembronan di Cruz Cora ta celebra un dia di reflexion, unda cu trabao humanitario ta e centro di atencion y tambe ta conmemora e victimanan en general, y specialmente e boluntarionan cu a muri durante cu nan tabata eherciendo nan trabao humanitario.

Mainta na Aruba a cuminsa cu hisamento di bandera, tocamento di Himno di Aruba y un presentacion na tur e stakeholdernan cu ta traha cu Cruz Cora durante di henter aña, Commandant di Cruz Cora na Aruba, Marieta Wanopa a splica.

Den un entrevista haci cu Wanopa diabierna el a gradici tur persona y organizacionnan cu a y ta haci un aporte na Cruz Cora. Tur loke Cruz Cora recauda ta bay back pa esunnan cu tin necesidad den comunidad. Cruz Cora ta yuda tur persona den necesidad incansablemente y incondicionalmente, Wanopa a subraya.

Durante di dia tabatin diferente bishita na radio emisoranan pa asina splica e trabao di Cruz Cora y despues e miembronan a sali entrega cuminda na hendenan den necesidad, eherciendo asina nan trabao humanitario.

Aunke e construccion di e edificio nobo ta andando caba, Cruz Cora a simbolicamente pone e prome piedra pa e edifio tambe diabierna, como cu esaki no a worde haci na momento cu a cuminsa cu e construccion.

Marieta Wanopa a splica cu na momento cu horcan Ivan a causa asina hopi daño na Aruba na 2004, e edificio di Cruz Cora cu tabata casi 40 aña bieu y tabata falta mantencion, tambe a sufri dañonan impactante. Cruz Cora no tabatin e fondonan pa e trabaonan di mantencion y despues di e horcan a cuminsa basha e edificio abao y cuminsa cu plannan pa un edificio nobo algun aña pasa tempo cu Greg Peterson tabata e director.

E situacion economico mundialmente tabatin su impacto y pone cu Cruz Cora a dicidi di warda cu nan edificio nobo. Awendia un edificio nobo ta bao di construccion y e lo mester ta cla na luna di september proximo.

Marieta Wanopa a splica cu e edificio ta worde construe di acuerdo cu e fondonan cu Cruz Cora ta dispone pa haci e trabao aki. E edificio tin un sala grandi, un magazijn, y facilidadnan pa e autonan di Cruz Cora y tur material por worde para paden di e edificio.

E facilidad di por laga tur material den e autonan y cla pa cualkier eventualidad ta haci cu Cruz Cora por actua mas lihe ainda ora tin un calamidad, segun Wanopa ta splica.

Si e edificio bin cla segun schedule, ta posibel cu e lo worde habri oficialmente riba dia 30 di oktober, cu ta e dia cu Cruz Cora ta conmemora su statutonan.

 

 

- Advertisement -

DUNA COMENTARIO

Please enter your comment!
Please enter your name here