Home Politica “Dangui y Nel Oduber a cobra casi 50 mil na vakantieuitkering”

“Dangui y Nel Oduber a cobra casi 50 mil na vakantieuitkering”

2
0
SHARE
- Advertisement -

Ta bisa Aruba ta bancarota pero

ORANJESTAD (AAN):  “Ta kende e hendenan aki ta?  Hendenan cu ta papia algo y ta lubida nan propio berdad,” ta loke miembro di Parlamento, Melvin Tromp a declara na Diario ayera durante di un interupcion di e reunion publico di Parlamento riba Green Corridor.

“Bo scucha nan papia durante di e reunion, tur di nan a uza e expresion cu pais Aruba ta bancarota, cu nan yiunan, yiunan di nan yiunan den futuro lo keda cu debe grandi pa paga pa motibo di debenan cu Gobierno di AVP a hinca e pais aki aden.

Nan no ta cansa di grita e locura aki, sabiendo bon kico Gobierno di AVP a haci, loke Gobierno di MEP a laga di haci, caminda mas bien a percura pa famia y amigonan sali dilanti  y laga pueblo mes pega  sin speransa pa futuro y den hopi problema social y economico.

Scucha e hendenan aki papia ayera den reunion riba bancarota di nos pais, papia con malo cos ta pa pueblo, y con cos ta bay sigui malo pa pueblo, ta e hipocresia di mas grandi di algun politico di MEP, cu  ta bolbe confirma cu nan ta corda riba nan mes, riba nan cartera y no riba esun di pueblo di Aruba.

Na 2009 Gobierno di AVP manera cu a drenta  Gobierno a tuma varios medida pa yuda esunnan den mas necesidad, a inverti pa drecha e poder di compra di nos pueblo y en total a inverti e suma impresionante di 128 miyon mas 700 mil florin.

A duna pueblo loke e merece, loke pueblo no a haya den ocho aña di gobernacion di partido MEP, cu si a percura pa famianan di lider di MEP keda cu contract di huur hasta ora cu pueblo a baha gobierno di MEP pa mal gobernacion.

Pa e motibonan aki tambe ora cu nos scucha  un tipo manera Evelyne Weaver Croes, cu su famia cerca a biba y gosa di miyones di placa di pueblo na huur y servicio di abogado, su persona mes inclui. Ora cu scucha e ‘yuchi’ Dangui lanta para y papia di bancarota di Aruba, lubidando kico su tata Nel a laga atras, scucha un Ady Thijssen uza e palabra aki tambe, un homber cu a sinta mira MEP hiba mal gobernacion pa ocho aña largo sin haci algo, tambe Xiomara Ruiz Maduro, bo no por keda sin pensa ta kico ta pasa den mente di e hendenan aki.

Nan ta papia di bancarota di Aruba, di debenan grandi pero siman pasa yuchi Dangui y su tata Nelchi, a cobra casi 50 mil florin na pago di vakantie uitkering y si nos conta tur famia cu Nel a duna trabou den Gobierno, famia di Dangui so siman pasa a cobra un suma cerca di 100 mil florin na vakantie uitkering.

Ta cual pais den bancarota por haci esaki y e mesun cos ta conta pa tur e otronan cu ta uza e argumento aki, nan tur a cobra mescos cu tur trahado ri Gobierno, vakantie uitkering siman pasa, pero nan no kier reconoce cu Gobierno di AVP ta cumpli cu su obligacionnan.

Awor si nos mester bay puntra Departamento di Finansa si yuchi Dangui of su tata Nel, si Evelyne of Xiomara, Ady of Glenbert of cualkier otro miembro di fraccion di MEP, cu nan lo a entrega bek of a nenga di cobra e ‘vakantie uitkering’ aki di siman pasa, e contesta lo ta no.

Esaki ta demostra cu mientras nan ta bancarota, nan ta cobra miles di florin extra for di Gobierno, lubidando por completo e ora riba e situacion financiero di nos pais.

Nan a tuma e placa aki, nan lo gasta e placa aki pero ta  prome nan pa bin papia di bancarota y lubida por completo cu ningun pais cu ta bancarota, lo por tin e luho di paga vakantie uitkering na su trahadonan publico,” Parlamentario Melvin Tromp a declara na Diario.

 

 

 

- Advertisement -

DUNA COMENTARIO

Please enter your comment!
Please enter your name here