Home Hudicial 4 aña di castigo pa sospechoso cu a tira hende den pia

4 aña di castigo pa sospechoso cu a tira hende den pia

0
0
SHARE
- Advertisement -

ORANJESTAD(AAN):E sospechoso J.J.P. mester  a presenta Diabierna na corte di husticia, pa tende veredicto di huez den su caso.

El a wordo acusa di, cu e intencion di mata un hende, a tira cu un arma di candela un of mas biaha riba e persona aki riba 7 di December 2014, a consecuencia di cual el a wordo raca na parti ariba di su pia.

Banda di esaki J.P a wordo acusa di posesion di un arma di candela riba mesun fecha.

Diabierna dia 29 di Mei e caso a wordo trata y durante tratamento di e caso huez a puntra e persona perhudica, esta esun cu a haya e bala na su pia, si e tabata desea di entrega un demanda di daño y perhuicio.

Como cu e no a compronde mucho bon kico e tin cu hasi pa entrega un demanda, e no a logra hasi esaki.

E caso a continua y huez a puntra J.P pakico el a tira rba e persona aki di fam C.

J.P a splica huez cu e tabata tin un discusion cu otro persona unda cu tabata tiramento di palabra.

E persona tabata hunto cu C. y na dado momento door cu e persona ey esta S. a cuminza tira palabranan menazante den su direccion y el a pensa cu S. Lo a bay saca un arma pa tira riba dje, el a dicidi di tira den su direccion riba muraya, pa spante.

E bala e ora ey supuestamente por a dal den e muraya pa bay dal den pia di C.

Como cu tabata tin un grabacion di e incidente cu a tuma lugar den caya principal di San Nicolas, huez a pasa aki riba muraya den corte y a hasi pregunta a base di esaki.

Riba e grabacion bo no por a wak e sospechoso, pero e dos otro personanan C. y S. si bo por a wak.

Na dado momento bo ta wak claramente con S. ta lanta man y tira palabra den direccion di unda J.P lo tabata para y un tiki despues bo ta wak C. y S. ta sak, C. ta reacciona riba algo cu lo a dal e na su pia y ambos a core bay.

Ora cu nan tabata core, bo por a wak cu C. tabata tin un molester na su parti drechi, cu ta unda e bala e dal den su pia.

Fiscal a indica cu e no ta kere cu ta djis spanta J.P kier a spanta e otronan, pasobra a wordo tira den nan direccion.

El indica cu testigonan a bisa tambe cu J.P a tira den direccion di e dos personanan y no halto riba e muraya manera cu el a bisa.

Fiscal a mustra tambe riba e hecho cu e bala a dal den muraya di un bar unda hende tabata drenta y sali y cu nan tambe por a wordo alcanza pa un tiro.

Fiscal pesey a exigi un castigo incondicional di 4 aña.

Abogado Vito Carlo, representando e acusado, a bisa huez cu den e dossier no tin ningun prueba cu e bala saca for di pia di C. cu a wordo duna na polis, ta un bala cu a Sali for di e arma cu J.P a uza.

Pesey el a bisa huez cu, apesar cu J.P a admiti cu el a los un tiro, no por exclui e posibilidad cu ta C. mes a tira su mes, of cu otro hende a tire cu no ta J.P.

Diabierna huez a haya e acusado culpable di e hechonan y el a dune un castigo igual na e 4 añanan cu fiscal a exigi.

 

- Advertisement -

DUNA COMENTARIO

Please enter your comment!
Please enter your name here