Home Hudicial No tin indicacion cu mucha homber a comete actonan indebido cu su...

No tin indicacion cu mucha homber a comete actonan indebido cu su ruman muher chikito

0
0
SHARE
- Advertisement -

ORANJESTAD   (AAN): Recientemente a tuma lugar un caso den corte unda cu un homber a wordo acusa di secuestra su yiu muher chikito y DIARIO a publica tambe locual e homber a pone como motibo di con el a bay cu e mucha.

El a indica cu segun e, e mama no tabata bon mama y cu yiu homber di su ex casa lo a haci actonan inapropia cu y dilanti di e mucha muher cu e tempo ey tabata tin 4 aña.

DIARIO no a pone den e articulo cu e yiu homber a comete e actonan aki, sino cu ta e sospechoso a declara esey di dje, como un di e motibonan pa cual el a coi su yiu y bay cune Hulanda.

Sinembargo, door di e insinuacionnan di e sospechoso, awor e mucha homber y su famia ta sinti nan mes perhudica, mirando cu tin hende cu por pensa cu kizas a sosode locual e homber a bisa.

Papiando cu Fiscal, DIARIO a confirma cu no a wordo comproba cu e mucha homber lo a haci algo indebido cu su ruman muher chikito.

Fiscal a indica cu Voogdijraad no a constata nada inusual of straño den comportacion di e mucha muher, cu por indica cu el a pasa den un experiencia traumatico pa via di su ruman homber.

Huez durante tratamento di e caso a menciona esaki tambe.

 

- Advertisement -

DUNA COMENTARIO

Please enter your comment!
Please enter your name here