Archivo di July, 2015

Laura Ruiz a bira Srta. Aruba 2015

Publication: Friday, 31 July 2015. Categoria: General

laura_ganadora_01ORANJESTAD (AAN): Den ballroom di Occidental Resort a ser saca poco despues di 12:20 am, e ganadora maximo cu a bira Laura Ruiz di Distrito di Paradera.

Como prome finalista a keda Cirielle Hijmering (Savaneta), di dos finalista ta Elda Bruges (Oranjestad), di tres finalista ta Chestety Loopstok (San Nicolas), y di cuatro finalista ta Brigitte Boekhoudt (Pos Chiquito).

Draaiboek ta ser prepara pa Augustus 2015 bira uno violento na Aruba tambe

Publication: Friday, 31 July 2015. Categoria: General

Grupo tin planea pa protesta contra Gobierno!

draaiboek_AUA_ORANJESTAD (AAN): E indicacionnan ta bin for di varios skina, cu tin un plan prepara pa e siguiente dos dianan, start cu un accion di protesta, cu posiblemente lo bira uno violento.

E mensahe ta cla:  Nan kier pa Gobierno di Aruba bay cas.  Nada ta wordo haci pa elimina e gasto halto di aparato gubernamental.  Monton di fotografo trahando como coordinador.  No tin placa pa yuda Mary Joan Foundation, pero si pa construi un Green Corridor cu lo bay ta over-budgeted na final.  No tin placa pa schoolnan haya material, pues atrobe bukinan cu ta foto-copia lo ser usa.  Pero si tin placa pa recap caminda cu ya ta den bon estado caba.

Analisis Profundo durante Green Conference di e siguiente 50% pa 2020 den energia sostenible pa Aruba

Publication: Friday, 31 July 2015. Categoria: General

Analisis Profundo durante Green Conference di e siguiente 50 pa 2020 den energia sostenible pa ArubaORANJESTAD (AAN): E dos conferencianan riba energia renovable ta ofrece intercambio dinamico, conclusionnan interesante y oportunidadnan unico pa tur e pais y companianan di utilidad cu participa.

Durante di Green Aruba VI lo tuma luga un analisis profundo di e siguiente 50% pa Aruba na caminda pa 2020, Minister de Meza a bisa, referiendo na e porcentage cu Aruba falta pa yega na 100% produccion sostenibel.

Lo discuti y evalua topiconan manera e di dos parke di molina, cu actualmente ta den su fase huridico y cla pa cuminsa construccion na 2016; y e solar park di aeropuerto cu ta funcionando y produciendo hopi bon. Pero, ademas di esaki tambe lo papia tocante otro topiconan y ideanan cu WEB Aruba NV y NV ELMAR ta evaluando pa futuro cercano.

Hygienische Dienst mesora a bay controla Panaderia cu a bende pan cu bichi aden

Publication: Friday, 31 July 2015. Categoria: General

Autoridad a manda dos victima haci test mesora!

ORANJESTAD (AAN): Tabata Diahuebs alrededor di 10’or di mainta, cu dos dama local a acudi na un Panaderia pa asina cumpra dos sandwich cu ta conoci eynan como “Pan Hawaiiano”.

Despues di a cumpra y paga pa esaki, e dos dama a cuminza come.  Uno di nan a come su Pan Hawaiiano completamente sin sinti nada.  Sinembargo ora cu el a finaliza su pan completo, el a sinti su stoma ta haci raro, y inmediatamente a ripara cu e sandwich a cay malo pe.

Pero e momento ey, e no tabata sa nada ainda.

Atraco arma riba habitante na Malmok

Publication: Friday, 31 July 2015. Categoria: Policial

Atraco arma riba habitante na MalmokORANJESTAD (AAN): Como cu NO tin suficiente Polis mas den area west di Aruba, awor criminalnan ta sigui comete nan fechorianan.  Ata Diahuebs atardi otro atraco mas.  Momento a yega pa Ministro wake up.

Desconocidonan arma a sorprende un persona cu a yega su cas na Malmok.  E atracadornan tabatin arma di candela den nan poder y asina a comete e asalto aki riba e doño di cas y a logra bay cu placa.

Esaki a pone cu patruya di Noord y recherche di atraco team a presenta pa asina haci nan investigacion necesario na e lugar.

No tin scarcedad di gasolin na Aruba

Publication: Friday, 31 July 2015. Categoria: General

gasolinORANJESTAD(AAN0: Pa un of otro motibo, tin gruponan den comunidad cu ultimo dianan ta haciendo tur intento pa crea panico innecesario riba e isla.

Diahuebs a lanta bisando cu no tin gasolin ni diesel na pompnan di gasolin.

Di acuerdo cu Valero Marketing, cu ta bende combustibel, cu esey no ta e caso. Dor di un dificultad electrico, Valero no a entrega gasolin na un solo stacion, cu entretanto a ricibi su productonan mainta mes caba y a opera normal desde ayera mes.

Dos KB cu no ta existi at all

Publication: Friday, 31 July 2015. Categoria: General

ORANJESTAD (AAN): E oficina di representacion di Hulanda na Aruba, a emiti un boletin Diahuebs atardi, pa contradeci e informe di supuesto dos KB cu Hulanda ta preparando contra dos Ministro na Aruba.

VNO ta cla y raspa den e asunto, mustrando cu e noticia di un website ta incorecto.  Riba ningun dos Ministerio tin KB den preparacion na Hulanda.

DIARIO a compronde cu hasta na Hulanda, tabatin harimento ora cu a tende cu na Aruba tin rumor ta circula encuanto dos KB, cu realmente no ta existi at all.

Organizacion local di derecho humano ta pidi pa pueblo mantene calmo

Publication: Friday, 31 July 2015. Categoria: General

Relaciona cu e plan pa start accion violento…

milton_ponsonORANJESTAD (AAN): For di e Organizacion local di Derecho Humano na Aruba, esta Rainbow Warriors International, a mustra cu den ultimo simannan a tuma nota na Aruba cu aparentemente tin un draaiboek traha pa manda Gobierno cas, y si ta necesario cu forza arma.

Mirando cu tanto Tweede Kamer na Hulanda y Staten di Aruba ta cu reces, e organizacion Rainbow Warriors International a prepara varios carta pa bay directamente pa Gobierno Hulandes pa tuma den consideracion e draaiboek aki cu ta basa riba combersacionnan cu personanan clave den comunidad, cu pa nan mesun proteccion lo no divulga ainda na prensa.

Temblor leve sinti Diahuebs na St. Maarten

Publication: Friday, 31 July 2015. Categoria: General

Temblor na St. MaartenORANJESTAD (AAN): Tabata Diahuebs alrededor di 6:28 pm, cu un temblor leve a sacudi e isla di St. Maarten.

Como cu e epicentro tabata hopi cerca di e isla, casi tur hende a tuma nota di e sismo aki.

Segun US Geological Survey, e temblor aki a keda registra pa 6:28:57 pm, y tabatin un magnitud di 3.8º riba Scala di Richter.

E tabata na 18.095º Nort y 62.881º West.  Esaki ta como 19 kilometer Oost NoordOost di Philipsburg, St. Maarten.

E epicentro tabata na 34.6 kilometer bao superficie.

No tin ningun informe di daño material, ni hende herida.

 

Bus di transporte ilegal a wordo confisca for di señora

Publication: Friday, 31 July 2015. Categoria: Policial

ORANJESTAD (AAN): E controlnan riba personanan cu ta haci transporte illegal ta sigui y den forma hopi viguroso. E biaha’ki ta un mini bus a wordo intercepta haciendo transporte ilegal.

Segun por a compronde, autoridadnan di transporte a bin ta vigilando e situacion aki pa algun tempo caba, principalmente pa motibo cu el a wordo mira ta recoge hende den bisindario di Xavier University na Playa of turistanan cu ta Sali for di aeropuerto na pia y ta bay subi su bus banda di e parada bieu di ambulance na Wayaca.

Hotelnan sin permiso ta mas bien un asunto administrativo

Publication: Friday, 31 July 2015. Categoria: General

Hepple (2)ORANJESTAD(AAN): A puntra James Hepple CEO di AHATA tocante e caso di e hotelnan cu no tin permiso como cu esaki tabata un asunto den noticia e ultimo simannan, cu a worde descubri durante di controlnan di departamento di higiena.

Hepple a bisa cu loke AHATA a constata ta cu e hotelnan cu falta permiso ta hotelnan cu ta existi pa hopi aña y esaki ta mas cu cualkier otro cos un asunto administrativo. E propiedadnan mas nobo tin nan permisonan, pero a wak e falta di por mustra un permiso den casonan di hotelnan mas bieu cu kisas a cambia di doño.

Cada persona cu tin joyanan valioso mester sa con pa sigura nan!

Publication: Friday, 31 July 2015. Categoria: General

ORANJESTAD (AAN) – Hopi ta wordo comenta e dianan aki tocante e peligro cu tin na Aruba tambe, pa hende bisti prendanan di oro y luci nan riba caminda, pasobra nan por wordo ranca pa ladron.

Ta conoci cu e peligro aki ta existi na tur caminda di mundo y Aruba no ta keda atras, pasobra nos dushi isla chikito no ta e mesun Aruba di antes mas.

Joyanan valioso, cu ta nifica un capital, cu a wordo cumpra poco poco cu sudor di hende su frenta, of cu a wordo hereda di famia, mihor cos ta warda nan den un locket di seguridad na banco.

Homber a causa daño na tres auto cu bat di baseball y piedra.

Publication: Friday, 31 July 2015. Categoria: Policial

ORANJESTAD(AAN)– Central di polis diaranzon mainta a manda un patruya cu urgencia pa rotonde di Tarabana unda lo tabata tin un bringamento cu uso di cuchio. Nan a yega y topa un homber cu un bat di baseball den man. El a core drenta un cas ora el a mira polis.

Algun otro persona a sali for di un parcela eynan y a grita cu e bisiña ta actua masha agresivo y a cuminza dal e autonan cu e bat di baseball.

Un solo boto cu ilegalnan a wordo intercepta pa Guardacosta dilanti Aruba

Publication: Friday, 31 July 2015. Categoria: General

No por papia di exodo di Venezolano pa Aruba y Curaçao

31exodoORANJESTAD (AAN) Den un declaraciona duna na medionan di comunicacion, sr Roderick Gouverneur di Guardacosta di Curaçao a mustra cu no por papia di un exodo grandi for di Venezuela pa Curaçao y Aruba.

Mientras cu Guardacosta ta sigui cu control intensivo den awanan teritorial e oficial a declara cu tin un solo caso e aña aki, caminda a logra di intercepta un  boto cu ilegalnan for di Venezuela net dilanti di costa di Aruba.

Dia 1 pa 7 di augustus ta siman internacional di lech’i pecho

Publication: Friday, 31 July 2015. Categoria: General

ORANJESTAD (AAN): IBiSA  hunto cu Departamento di Salubridad Publico, ta celebra e siman internacional di lechi di pecho (World Breastfeeding Week). Esaki ta worde celebra tur aña di  1 pa 7 di augustus. E tema riba cual e Organizacion Mundial di Salud (WHO) ta enfoca e aña aki ta “Breastfeeding and Work, Let’s make it Work” cu traduci literalmente ta nifica: ‘Lech’i pecho y trabao, ban lag’e funciona’.

Na Aruba e ta stipula den ley cu unabes cu e mama reanuda trabao e por haci uzo di su derecho di duna lech’i pecho.  Den e prome 9 lunanan despues di parto (te dia e baby cumpli 10 luna) e mama por interumpi su trabao pa bay duna lech’i pecho of pa pomp lechi di pecho.