Home Hudicial Adicto a splica huez cu el a acepta Christo den su bida

Adicto a splica huez cu el a acepta Christo den su bida

0
0
SHARE
- Advertisement -

ORANJESTAD   (AAN): Diahuebs e sospechoso R.A.P tabata na corte di husticia, door cu el a wordo acusa di kiebro y ladronicia den un negoshi di boternan di bebida sterki y/of un baki di sushi riba prome di Juli 2015.

Huez a puntra e acusado si ta berdad cu el a horta e boternan di bebida y e baki di sushi y el a bisa cu no.

Sinembargo, ora cu polis a yega na e sitio, nan a wak R.P cu e baki di sushi y den dje nan a haya botternan di bebida sterki, incluyendo Black Lable, y Bailey’s.

E acusado a declara na polis cu e no a drenta e negoshi y cu e no tabata sa cu e botternan tabata horta.

Huez a mustra roba e hecho cu R.P tin un carchi di castigo basta largo.

E acusado a indica cu e ta adicto pa hopi aña caba y cu e kier drenta Centro Colorado pa e wordo yuda cu su adiccion.

Huez a bise cu mirando cu e ta relativamente hoben na edad di 46, ainda e tin tempo di mehora su bida.

Huez a puntra e acusado kico e cruz cu ta colga rond di su garganta ta nifica pe y R.P a nosa cu el a acepta Christo den su bida.

Fiscal a mustra riba e hecho cu ya caba na 1988 R.P a yega di cay cera y en total desde e tempo ey pa awor, el a haya un castigo penal 18 biaha.

Fiscal a bisa si cu pa loke ta e castigo, e ta tene cuenta si cu e hecho cu ultimo biaha cu R.P a yega di wordo condena pa algo tabata na 2011.

Fiscal a exigi un castigo incondicional contra dje di 3 luna, kitando e tempo cu el a sinta caba den detencion preventivo.

Huez na final a bisa cu R.P ta culpable di ladronicia, pero cu no tin suficiente prueba pa bisa cu di berdad e mes a drenta den e negoshi pa horta e boternan di bebida y e baki di sushi.

Huez a duna R.P un castigo incondicional di 2 luna, kitando e tempo cu el a sinta caba den detencion preventivo.

 

 

- Advertisement -

DUNA COMENTARIO

Please enter your comment!
Please enter your name here