Home General Aruba Marriott honra cu tres reconocimento prestigioso

Aruba Marriott honra cu tres reconocimento prestigioso

1
0
SHARE
- Advertisement -

ORANJESTAD(AAN)– Aruba Marriott Resort & Stellaris Casino continuamente ta enfoca riba excelencia y 2014 sigur no a laga di desea. E hotel a wordo reconoci recientemente cu tres premio prestigioso pa su liderasgo den maneho di evento y banquete; “Regional Event Management Excellence Award”, “Chairman Circle Award” y “Global Event Leadership Diamond Award Winner”.

E team di Evento & Banquete di Aruba Marriott a ricibi e “Regional Event Management Excellence Award” como e departamento cu a sobre sali den e region. Esaki tabata a base di aumento di entrada door di bende efectivamente, resultado halto pa cu e “Associate Engagement Survey”, servicio duna na cliente di nivel halto, activamente duna bek na comunidad y ehecucion di eventonan creativo y inovativo.

Ilaina Franco – Franka, Directora di Evento & Banquete, a wordo presenta cu e “Chairman Circle Award” pa forma parti di e top 1% di lidernan di evento y banquete cu a sobre sali den e continente Americano, compitiendo a base e resultadonan di aumento di entrada y calidad di servicio compara cu e obhetivo principal. Ademas Sra. Franco – Franka a wordo reconoci cu e prestigioso “Global Event Leadership Diamond Award” pa su dedicacion na excelencia,  su iniciativa pa consecuentemente baha cielo y tera pa su clientenan y pa cu e hotel, e tremendo resultadonan di e aña y pa eleva e nivel di e hotel pa éxito den futuro.

Como e Directora di Evento & Banquete, Ilaina ta activamente y continuamente desaroyando y formulando strategianan pa sigura cu e departamento ta forma parti integral di tur area di e hotel incluyendo e entrada como tambe otro puntuacionnan den cuadro di servicio. Como un leader e ta encurasha su team pa ta envolvi y up-to-date cu e ultimo trendnan den e industria di evento y continuamente ta buscando concepto nobo y creativo pa implementa. Sra. Franco – Franka ta un persona clave den crea y mantene relacionnan cu clientenan, cual ultimamente a resulta den relacionnan duradero y clientenan cu ta bolbe bek. Tambe como lider, Ilaina ta kere den e desaroyo y adelanto di su asociadonan y ta consecuentemente dunando training na su trahadornan como tambe duna nan e oportunidad pa cross-train.

“Mi ta sumamente orguyoso di ta parti di un team cu ta stima locual nan ta hasi! Dunando tur di nos parti pa logra un meta comun cual ta encera enfoque riba duna un servicio briyante pero mas importante tin un relacion briyante cu mi team. Nos tur ta soluciona obstaculonan hunto y tambe ta celebra logronan hunto. Den Evento & Banquete, nos tur ta un”, a comparti Sra. Franco – Franka.

Den 2015, Ilaina ta sigui ta un lider ehemplar localmente como tambe regionalmente y ta entusiasma pa cumpli cu un otro aña exitoso.

 

 

- Advertisement -

DUNA COMENTARIO

Please enter your comment!
Please enter your name here