Home Policial Atracador a pone arma na garganta di dama chauffeur

Atracador a pone arma na garganta di dama chauffeur

0
0
SHARE
- Advertisement -

El a subi patras den auto pa comete e atraco

ORANJESTAD(AAN): Den oranan di atardi un dama a wordo atraca patras di Mango Boutique den Elleboogstraat. E dama a caba di shop den Havenstraat y tabata bayendo su auto cu saco di compras. Despues cu el a caba di pone e cosnan den auto, el a bai subi na stuur. Diripiente ora a bay start e auto un hende e habri e porta y hinca man di patras pone obheto skerpi na su garganta.

El a spanta y a cuminsa grita pero na mes momento a tene e arma y ranca esaki for di e atracador. Den e proceso el a corta su dede. Asina mes el a keda grita y e atracador a cuminsa core.

E atracador tabata bisti short roos y un shirt blanco cu cierto pintura of strepi dilanti. Ora e atracador a core bay direccion caya grandi ainda e dama a purba core su tras. Mirando cu el a laga e auto habri el a core bin bek. E atracador a somenta.

Polis a wordo avisa y a tuma declaracion. E victima su man tabata na sanger. E arma tabata un stanley mes cu a wordo entrega na polis. E atracador a expresa su mes na spaño, segun e dama.

Polisnan a purba core rond pa busca su drechi pero no a topa cune. Esaki  ta un situacion serio pasobra ta trata di un area bishita tur dia pa hopi hende. Ademas ta unda hopi hende ta para nan auto sea pa bay shop of pa bay cumpra cos.

E victima a lucha pa libera for di e atracador cu a pone arma na su garganta. Dios tabata cune pasobra e por tabata tin consecuencia mas serio pa su bida.

- Advertisement -

DUNA COMENTARIO

Please enter your comment!
Please enter your name here