Home Policial Bus di Arubus a kima completo despues cu Tire a rementa

Bus di Arubus a kima completo despues cu Tire a rementa

3
0
SHARE
- Advertisement -

ORANJESTAD (AAN): Diaranzon atardi varios pasahero cu tabata den un Bus na altura di Pos Chiquito a pasa den un susto enorme na momento cu nan a scucha un zonido fuerte abordo di e bus. E zonido tabata asina fuerte cu a pone cu e chauffeur di Bus a para e bus y a bay controla e Bus. E chauffeur di bus a bin constata cu un Tire a rementa.

Despues di un rato huma a cuminsa sali for di e bus, cu a pone cu e chauffeur a opta pa evacua tur e pasaheronan rapidamente pa nan mesun seguridad. E chauffeur mes a pasa man pa e fire extinguisher pa paga e candela. Lastima mente cu e candela a expande asina rapido, cu a pone cu e chauffeur no por a haci nada mas pa scapa e bus y mester a sinta warda presencia di Brandweer.

Na yegada personal di Brandweer a drenta den accion y a logra domina e candela. Mester menciona cu e bus a kima completo. Polis a presenta na sitio ya tuma declaracion di e sucedido. Ningun persona a resulta herida.

 

- Advertisement -

DUNA COMENTARIO

Please enter your comment!
Please enter your name here