Home Policial Chofer di Nissan 350Z a perde control y bay dal den neishi...

Chofer di Nissan 350Z a perde control y bay dal den neishi di abeha

7
0
SHARE
- Advertisement -

ORANJESTAD(AAN): Diahuebs alrededor di 1:30’or di merdia a sosode un accidente riba caminda principal di Kibaima pa Pos Abao, na altura di Shiribana.

Aki un chauffeur a bai pasa un truck cu su auto deportivo Nissan 350Z pero den e proceso un di e tirenan di auto a rementa cu consecuencia cu e chauffeur a perde control.

E vehiculo a baha na banda robez di caminda, dal den baranca y trankera di cadushi y bay para despues dilanti cura di un cas un tiki mas pabao. E auto a haya basta daño material y e chauffeur a sali ileso di e accidente. Tabata tin mas hende den e auto tambe.

Den e impacto riba e trankera, e vehiculo a dal y benta un neishi di maribomba.

Durante e accidente tabata tin hende cu mester a core pa scapa di pica di cantidad di abeha, cu a bay pica tur hende cu kier a yuda.  Hasta Polis y periodistanan a haya nan ta core bay pa no haya pica di abeha. Basta pieza a spat riba caminda durante e accident.

Finalmente un experto di abeha a yega, y a bay cu e neishi aki.

 

 

- Advertisement -

DUNA COMENTARIO

Please enter your comment!
Please enter your name here