Home Editorial Editorial: DIRECCION

Editorial: DIRECCION

1
0
SHARE
- Advertisement -

jossy_mansur_pic         Aruba awor ta den dos diferente direccion, uno directamente padilanti y e otro no mes directo di loke hende por pensa. E razon ta simpel y basa riba e falta di fondonan pa financia e proyectonan cu tin mester di un gran cantidad di capital pa completa.

        Ningun hende a splica te awor ta di unda e monto grandi ey di capital mester bin, pa cubri tur e gastonan envolvi. E razon ta simple y ta basa riba e falta di fondondan pa cubri e capital inmenso cu tin mester pa ehecuta nan. Ningun hende a splica te awor ta di unda e placa mester  bin y ni tampoco con ta bay pague back. Problemente e ta bay pasa forma parti di e gastonan adicional  imponi riba un Pueblo cansa di tanto gasto cu ta baha riba su lomba sin spera. Cada aumento ta trece cune gastonan adicional cu e no por maneha pasobra su entradanan a limita y e no por rek nan mas di loke nan ta caba.

           Si cada cos ta bay sigui trece un aumento pa e trahador e ta bay yega un momento cu laman bruto ta bay hogue completamente. Kico e por haci pa nivela algo cu ta fuera di su control? Nada. Absolutamente nada. Blo si gobierno tene consideracion cu su situacion interno y aplike den forma general e lo por duna un man pa yuda otronan saca cabez for di bao awa. Pero, di otro banda, gobierno tambe ta hinca su mes cada biaha den mas problema financiero cu e no por maneha satisfactoriamente.  E lo por saca cabez for di bao awa, den algun instancia, pero di otro banda gobierno tambe ta hoga y e tambe tin mester  di navega e canalnanan cu el a habri (y ta sigui habri) pa cumpli cu su compromisonan idealistico. Esaki ta crea un contradiccion grandi cu tin mester di un formula casi magico pa soluciona.

          Cua ta e solucion anto? Sigui impone carga riba pueblo cu cada medida o pa algun di e intervencionnan baha man radicalmente? E solucion ta den man di Gobierno.  O baha gasto o postpone e proyectonan mas exigente.

- Advertisement -

DUNA COMENTARIO

Please enter your comment!
Please enter your name here