Home Hudicial Huez a declara Indra S. liber di a causa morto di propietario...

Huez a declara Indra S. liber di a causa morto di propietario di Price Smart

2
0
SHARE
- Advertisement -

ORANJESTAD   (AAN): Diahuebs hue a duna su veredicto den e caso den cual I.T.M.S a wordo acusa di, como chofer di un Hyundai Atos y coriendo riba caminda grandi y riba e spiraal rotonde na aeropuerto, a comporta su mes asina peligroso, sin cuidao y sin paga tino riba 21 di Maart 2014, cu tabata su culpa cu un accidente di trafico a tuma lugar y un persona a wordo mata.

Ta trata di propietario di Price Smart Ashok Ramchandani, kende a perde su bida.

Durante tratamento di e caso riba 11 di Juni, I.S a indica na huez cu e ta sufri di epilepsia y e ta kere cu el a haya un atake di epilepsia ora cu e tabata yegando e rotonde.

El a splica cu esey ta su unico splicacion pa locual a sosode, mirando cu e lo no a core di tal manera den circunstancianan normal.

I.S a splica huez cu basta aña pasa caba a wordo constata cu e tin epilepsia y el a haya remedi pa uza tur dia.

Despues el a haya pildoranan special cu e tin cu bebe ora cu e ta sinti cu e lo por haya un atake di epilepsia.

Huez a puntre dicon e no a bisa polis esey mesora, mirando cu den e dossier di e caso esey no ta para.

I.S a indica cu el a bisa polis cu e ta pensa cu el a bay for di tino door di epilepsia.

Huez a indica cu dos testigo a wak e accidente, di cual uno a bisa cu ta mustra manera I.S y e victima tabata discuti.

I.S a bisa huez cu nan no tabata discuti.

Huez a puntra e acusado kico e ta corda di e accidente.

El a indica cu ora cu el a bin bek na tino, prome cos el a hasi ta yama Ashok, pero despues el a realiza cu e tabata banda di dje den e auto.

Fiscal a trece dilanti cu e no ta duda cu I.S ta sufri di epilepsia, pero e ta duda si cu na momento di e accidente di berdad el a haya un atake di epilepsia.

Segun fiscal, por tabata tin otro motibo manera un discusion of quizas I.S kier a kita su propio bida.

Fiscal a bisa tambe cu quizas si I.S como chofer di e auto lo a percura pa e victima bisti su faha di seguridad, e lo no a perde su bida.

Fiscal a indica cu e ta haya cu I,S a core na un manera iresponsable y pesey el a exigi un castigo incondicional contra dje di 8 luna.

Diahuebs huez a declara I.S liber di tur acusacion, mirando cu segun huez, e atake di epilepsia ta pone cu no ta culpa di I.S cu el a bay for di tino y cu e accidente a tuma lugar.

 

- Advertisement -

DUNA COMENTARIO

Please enter your comment!
Please enter your name here