Home Policial Bendedor di droga Brenton atrobe den noticia

Bendedor di droga Brenton atrobe den noticia

2
0
SHARE
- Advertisement -

ORANJESTAD (AAN) — Pa di tanto biaha cu Brenton ta den noticia tratando di bende droga cu turistanan of cu el a bende droga cu turistanan y nunca ta tende cu el a keda deteni of bay cera pa esaki pasobra prome cu polis yega semper el a somenta..

Atrobe Brenton Balford Balgrove naci na Jamaica di 40 aña di edad ta den noticia tratando di bende droga y riba esey menasando hende cu morto.

Patruya a bay na Divi All Inclusive pa un caso di menaza. Aki nan a papia cu e guardia L cu a declara cu Brenton  cu a riba lista preto di e hotel a yega na camber 343 ofreciendo bishitantenan droga.

Ademas el a menasa e turistanan ora cu nan a nenga di cumpra droga di dje.

Polis a papia cu e turista britanico W. cu a confirma e version,. el a declara cu un homber desconoci pe, color scur y cu dreadlocks, cu pechi riba cabez y bisti cu t-shirt ros a cuminza haci pregunta tocante un dama y kier a bende droga.

Ora cu el a nenga, e homber a menasa di lo mat’e.

E patruya a anota e datonan y a conseha e homber pa pasa na recherche na Strandpolitie su manise y denunci’e.

E guardianan a entrega polis un copia di un carta y foto di Brenton y eyriba por a mira su nomber completo, datonan persona y su adres. Esaki polis a entrega despues na warda di polis na Noord pa recherche.

E guardianan a wordo bisa pa asina nan mira Brenton den vecindario pa nan pone polis na altura.. Polis mes a controla y patruya den vecindario pero no a mira Brenton.

 

- Advertisement -

DUNA COMENTARIO

Please enter your comment!
Please enter your name here