Home Policial Cos ta saliendo mahos for di man cu Gang di Village

Cos ta saliendo mahos for di man cu Gang di Village

0
0
SHARE
- Advertisement -

A bombardea cas cu piedra, pega candela na e cas y ayera anochi a tira doño di cas den pia

ORANJESTAD(AAN)– Ultimo simannan hobennan di Village ta hayando e mes mal imagen di hobennan di Sabana Basora Noord y  si ripara bon, segun noticianan, e hobennan di gang di Village ta causando problemanan cu dia pa dia ta birando mas grave.

Ayera anochi nan a tira un homber den pia na altura di cancha di basketball den Village,. E homber aki tabata tin problema cu e hobennan di gang kendenan tin su bida terorisa.

A yega asina leu cu na cerada di siman nan a bombardea su cas cu piedra. Despues a cambia di tactica y a cende candela na cas di e homber.

Pero ayera anochi cos a sali mas for di man ora cu nan a los tiro riba dje y cu bala a perfora su pia robez.

El a wordo transporta cu urgencia pa hospital y polis a cera henter e area pa investigacion tuma lugar di parti recherche y departamento tecnico di polis.

 

 

 

- Advertisement -

DUNA COMENTARIO

Please enter your comment!
Please enter your name here