Home Policial Polis a detene e di 4 sospechoso den caso di atraco arma

Polis a detene e di 4 sospechoso den caso di atraco arma

12
0
SHARE
- Advertisement -

Team di Aresto a detene na lama

Polis a detene e di 4 sospechoso den caso di atraco armaORANJESTAD (AAN): Manera cu Cuerpo Policial Aruba a anuncia ayera, tabata falta un sospechoso mas pa detene, relaciona cu e caso serio di atraco arma den area turistico. Sinembargo diahuebs merdia a anuncia cu e peticion di detencion di e hoben sospechoso aki ta caduca.

Ministerio Publico a duna ordo pa detene 4 sospechoso acusa di a comete un atraco arma dia 26 di juli den oranan di marduga na South Beach Center. Durante e robo a tira e victima, un taxista, den su cara.

Diaranson ultimo, Arrestatie Team a bishita 4 diferente adres, buscando e 4 sospechosonan, conoci pa ta peligroso y sa cana arma. Den e proceso Polis a logra gara 3 di e 4 sospechosonan, pa cual a start un buskeda mesora pa e di 4 hoben, cu tambe tabata hunto cu e grupo riba e diadomingo di atraco.

Diahuebs merdia pa 2:45pm, Team di Aresto a topa cu e sospechoso, J.S. Chalgut naci na Aruba di 18 aña di edad, na altura di Boca Catalina, cerca di Arashi. A detene mesora y hib’e Warda di Polis, unda a present’e dilanti un Fiscal Auxiliar cu a ordena su encarcelacion, relaciona cu e investigacion andando.

Cuerpo Policial Aruba cu esaki tin e 4 sospechosonan principal, cu tabata presente na momento di e atraco riba e taxista y cu a tira riba dje, lagando e victima herida atras. Algun di e sospechosonan, a pesar di nan edad hoben, ta conoci pa Husticia caba. No por descarta cu por tin mas detencion den e caso aki, conduci pa Atraco Team, un division di e Unidad di Recherche di Cuerpo Policial Aruba.

 

- Advertisement -

DUNA COMENTARIO

Please enter your comment!
Please enter your name here