Home General Turismo ta e forsa tras di crecemento di nos economia cu 1.6%...

Turismo ta e forsa tras di crecemento di nos economia cu 1.6% na 2015

0
0
SHARE
- Advertisement -

Turismo ta e forsa tras di crecemento di nos economiaORANJESTAD (AAN): Banco Central den su ultimo boletin ta bolbe remarca: Economia lo crece na 2015 danki na un prestacion fuerte di sector turistico y inversionnan.

Apenas nos a drenta luna di augustus y e prome mita di aña ta tras di lomba. Den e cuadro di esaki manera costumber, cifranan economico ta keda publica. Ministerio di Turismo ta satisfecho di por mira un mita di aña tras di lomba cu cifranan hopi positivo.

Turismo a crece cu 16.2% , di cual por menciona cu e mercado di Norte America a conoce un crecemento di 7.8%. Un indicador fuerte den e cifranan aki sigur ta e mercado Venezolano cu a crece cu 69.8% di cual mirando e circunstancia y situacion economico politico di nos pais bisiña, e ta normal.

Mester remarca si cu tin un grupo ta uzando Aruba como hub, otro cu enberdad ta keda Aruba 5 pa 7 anochi contribuyendo grandemente na nos economia y tin e grupo cu poco poco ta disminuyendo cu ta bin Aruba pa rindi nan saldo efectivo pa hiba esaki back nan pais. Asina mes e ultimo aki ta contribui na nos economia durante nan estadia.

Kedando riba e topico di nos economia recientemente Banco Central a publica e cifranan di e prome kwartaal di aña 2015, unda por mira cu pa e prome 3 lunanan di aña aki, tin un crecemento den e tourism receipt, cu ta e cantidad di placa cu turistanan ta laga atras den nos economia, cu ta 6.62% mas halto compara cu aña pasa den e mesun temporada.  Esaki ta encera cu pa e prome kwartaal di aña 2015 turistanan a laga un total di 864.4 miyon Florin den nos economia. E ta marca tambe e tourism receipt di mas halto den e periodo di prome kwartaal di tur e ultimo añanan, un inyeccion efectivo di casi 54 miyon Florin mas.

Banco Central a publica tambe den su boletin di maneho monetario cu indicadornan di turismo ta continua fuerte. E proyeccion economico pa 2015 ta 1.6%. Cu otro palabra economia lo crece na 2015 danki na un prestacion fuerte di sector turistico y mehoracion den actividadnan di inversion.

Intencion ta pa atrae e turistanan mas afluente na nos isla di cual ya caba ta demostrando su frutonan. E esfuerso di tur e entidadnan manera ta entre otro Aruba Tourism Authority, Aruba Airport Authority, APA y Ministerio di Turismo lo continua, cu mesun entusiasmo pa sigui mantene nos pilar economico cu un stabilidad fuerte pa e resto di aña y nos sobrepasa tur expectativanan pa 2015.

 

- Advertisement -

DUNA COMENTARIO

Please enter your comment!
Please enter your name here