Home Politica Analisis politico

Analisis politico

0
0
SHARE
- Advertisement -

Gobernador

Un locura total a drenta den e fraccion di MEP ora por a tende e argumentonan fofo pakico nan no a atende e reunion di apertura ceremonial di e aña nobo di Staten. Nan a declara cu  nan tin temor pa nan siguridad den sala di parlamento di Aruba.

Ta hustamente nan a organiza un atake ariba nos parlamento  yamando un grupo chikito di nan fanaticonan pa bin parlamento pa destrui e bentana y portanan pa drenta den e sala y agredi tur cu ta paden pa di e manera ey crea un caos completo  y trata di destabilisa funcionamento di nos democracia. Algo cu nunca antes nos a yega di conoce.

Ainda tin un cantidad di nan hendenan cera pa loke nan a haci e diahuebs cu e edificio bao di un instigacion y planeamento spantoso  di e lider di MEP cu no lo worde lubida mas.

Agresion violencia disturbio ta algun di e palabranan cu Gobernador a usa den su discurso di e aperture di aña nobo di parlamento. E a constata cu loke a sosode e diahuebs dilanti di e edificio di parlamento ta algo cu nunca antes nos a conoce.

Evelyn Wever Croes y su tata no sa mas kico pa haci pa di un of otro manera haci nos gobernacion imposibel pasobra nan a realisa cu e resultado di eleccion di aña 2013 lo bira hopi pio pa nan na aña 2017 si algo serio no tuma luga. Nan ta mira e cantidad di  proyectonan cu ta bao construccion cu ta creando  hopi empleo pero muy en particular lo eleva e calidad di bida di tur nos hendenan.

Pesey MEP tur dia ta bin cu mas mentiranan pa trata di crea un ambiente negativo den nos comunidad y nan ta realisa cu ta bira mas dificl di haya oido ora nos pueblo mira con ta worde traha door di gobierno dunando un bista hopi positivo pa futuro di nos pais.

Tur rond ariba nos isla nos ta tende awo e reaccion cu a bira costumber di nos hendenan cu ta bisa awo nos ta wak unda nos placa ta bay. Contrario na loke tabata sosode den tempo di gobernacion di MEP cu miyones tabata  bay na contratonan miyonario pa famianan directo di Evelyn Wever Croes. Pa e dirigentenan di MEP tabata un dia di mas frustracion ora nan a tende e palabranan positivo di gobernador cu ta hende cu a bin directamente for di nan ceno.

Gobernador ta representa Rey di Reino Hulandes y pesey loke e miembronan di Staten di MEP a haci awe ta un biaha mas un demostracion di un falta total di respet pa Reino Hulandes. E hecho cu e fraccion di MEP no a presenta na e reunion ceremonial di Staten awe ta un refleho di panico cu ta reina den e partido geel y cu sigur no tin aprobacion di un gran cantidad di votadronan di MEP. E luga di e siete miembtonan ta hustamente den parlamento caminda nan mester defende e interesnan di henter nos pueblo.

Nan actuacionnan di ultimo tempona ta dirige solamente ariba destruccion y crea desturbio sin cu nan ta pensa ariba e daño grandi cu nan ta haci na nos isla. Nan por keda sin bay parlamento y nan por trata di keda sin scucha e palabranandi nos gobernador pero nan ta conciente cu nos gobernador a tene un discusrso hopi importante pa nos pais cu un contenido responsabel como nos hefe di gobierno. Ni kico cos for di sla cu nan haci e realidad ta keda hopi positivo pa future di nos pueblo y nos pais.

 

- Advertisement -

DUNA COMENTARIO

Please enter your comment!
Please enter your name here