Home Politica Analisis politico

Analisis politico

0
0
SHARE
- Advertisement -

Eleccion 2017

Durante e ultimo simannan henter nos pueblo tabata testigo cuanto esfuerzo mester a worde haci pa haya suficiente sosten pa Evelyn Wever Croes keda lider di partido durante e congreso di ayera. Un gran cantidad di persona cu tabata ariba lista pero nunca mas a habri nan boca tabata den medionan di comunicacion tur dia gabando con bon ama di cas, bon mama y bon lider Evelyn ta y cu mester vota pa e keda.

E grupo cu tabata kier mira Glenbert bira lider di partido a  worde poni un banda y Hendrik y Nel a logra loke nan tabata desea. Pa esnan cu ainda ta simpatisa cu MEP e dia cu Evelyn a keda como lider ta bay resulta un dia scur pa e partido geel pasobra Evelyn ta bay laga MEP keda na werki depsues di proximo eleccion. E votadornan di MEP mes no ta kere den Evelyn pasobrta nan sa cu Evelyn y su tata ta den politica solamente pa busca interes financiro pa nan mes y pa nan famianan directo.

Nan no tin ningun ideal pa nos pu eblo of pa nos isla. Nan tey solamente pa nan propio interes y e pio ta cu nan ta mustra esaki claramente tur dia mas. E hecho cu Evelyn nunca no a bin papia cu e pueblo di Aruba cu e ta consciente cu loke a sosode den pasado tabata  malo y cu e lo no ripiti esaki.

Nunca Evelyn a yega di distancia su mes di e ladronicia di miyones di florin for di caha di nos pueblo. E Discordia den MEP di awe padilnati ta bay bira pio pasobra un biaha mas Evelyn a bira lider forsa na un manera cu un parti grandi di MEP mes no a gusta. E diferencianan di opinion no ta bay bira menos.

Glenbert a worde forsa den un skina door di Nel y Hendrik pero esaki no ta bay cera boca di Glenbert y su actuacion den MEP ta bay bira mas fuert y kizas mas den MEP ta bay sinti cu berdad si Evelyn mester ta candidato number un den proximo eleccion aki dos aña MEP lo perde por lo menos dos asiento mas.

Pesey aunke Evelyn a worde eligi pa ta lider pa cuatro aña mas esaki no ta encera cu ora dirigentenan ta mira cu Evelyn a cambia nada di su maneho  fatal pa partido rebeldenan por lanta y forsa un cambio di lider ainda prome cu eleccion di 2017.

Glenbert mes lo ta  hopi activo pa mira si ainda e por tuma e posicion cu pa  hopi aña tabata di su tata. Hendrik y Glenbert no ta parti un boonchi y un dia e relacion malo aki por rementa y causa MEP hopi perdida.

E dia di e congreso di MEP por a trece un cambio serio den partido pasobra hopi ta esnan cu di berdad kier un cambio di rumbo di partido y nan kier haya e speransa atrobe cu un dia nan lo ta den gobierno di Aruba.

Cu Evelyn na cabez di partido esaki lo no sosode. Nan conoce Hendrik Croes hopi bon y nan sa cu tanten cu Hendrik ta dirigi e partido  e unico meta cu tin pa partido ta pa yega den gobierno pa haya e contratonan miyonario atrobe.

Ningun momento tin idealanan of un programa pa traha na interes di nos pueblo cerca e hendenan aki. Interes propio ta nan motor y durante e congreso nan a logra di keda na poder den partido y tur hende na Aruba ta bay mira e partido cay te na un minimo  den proximo eleccion si na tempo no bin un cambio.

- Advertisement -

DUNA COMENTARIO

Please enter your comment!
Please enter your name here