Home General E unico minister cu a parti arma ta Rudy Croes

E unico minister cu a parti arma ta Rudy Croes

9
0
SHARE
- Advertisement -

Minister Otmar Oduber:

E unico minister cu a parti arma ta Rudy CroesORANJESTAD(AAN): Lider di e partido MEP, esta Evelyn Wever-Croes mester por ta biba cu e fobia den su mente di e tempo cu su mesun omo Rudy Croes a parti arma pa tur hende rond di dje y a crea hasta organisacionnan banda di Cuerpo Policial di cual e miembronan tabata cana arma.

Esaki Minister Otmar Oduber di turismo a declara despues di tende declaracionnan di lider di fraccion MEP Evelyn Wever-Croes tocante e keho cu el a entrega pasobra e tabata sinti su mes menasa durante di tratamento di e ley CAFT den parlamento.

Minister Otmar Oduber a bisa cu e declaracion tocante presencia di sicario y bodyguardnan den Parlamento haci door di Evelyn Wever-Croes ta fo’i sla. Su mesun ruman defunto a traha cu ex-minister Rudy Croes y Rudy Croes ta esun cu a parti arma na Aruba.

Por ta Wever-Croes ta pensa cu ainda ta den e periodo di Rudy Croes, pero for di momento cu Minister Dowers a tuma encargo di husticia el a “trek in” tur e permisonan pa arma. Ademas bao di gobernacion di AVP, hasta ministernan y parlamentarionan cu tin derecho pa cana cu arma no a aplica pa haya arma y, ademas, no tin hende arma rond di nan, Minister Otmar Oduber a subraya.

“Nos ta cana liber riba Aruba,” Oduber a bisa. El a agrega cu hasta despues di e disturbionan di diahuebs pasa e ta sigui cana liber y no tin hende ta cana cune si no ta trata di situacionnan di trabao.

El a splica cu hustamente tambe e hendenan cu tabatin cu e ministernan den parlamento ta coordinadornan y algun otro persona cu tabata presente pa cu e tratamento di e ley di CAFT.

Miembronan di gobierno di MEP si tabata cana arma den nan tempo pero actualmente, Minister Oduber a remarca, e bodyguardnan di e gobierno actual ta e 30 mil y pico votado, cu ta sostene e gobierno y ta compaña e gobernantenan. Hasta e personanan cu ta cana banda di Evelyn Wever-Croes ta cuida e ministernan, el a agrega.

 

- Advertisement -

DUNA COMENTARIO

Please enter your comment!
Please enter your name here