Andin Bikker di PDR
ORANJESTAD (AAN) — Partido Democracia Real su filosofia ta cu gobierno su tarea ta pa crea e “randvoorwaardenan” pa sector priva crece y asina crece nos economia pa asina direct y indirectamente e haya su belasting. “No ta gobierno ta haci diez cent bira dos Florin” ta secter priva ta esun cu ta produci y pone e economia crece, y gobierno tin e luho di bin cu impuesto, anto haya un parti di su “fear share” di e frutonan aki.
Pero gobierno, demasiado biaha ta duna impresion cu ta e ta haci tur cos, segun e Parlamentario. Bikker a e reitera cu gobierno ta suppose di gewoon traha e leynan pero por lo demas “get out of the way”.
Den e mesun filosofianan pero riba otro tema, Parlamentario mr. Bikker a menciona cu PDR ta kere den e economia di internet. Esaki contrario na gobierno cu ta papia di “green, green, green” mientras cu no tin ni un ingeniero na Aruba cu por inventa un panel solar ni un mulina di biento y patenta nan.
Andin Bikker ta convenci cu tecnologia digital ta bay materializa su mes den trabaonan tangible, e economia di internet te caba, unda cu muchanan chikito ta crece cu tablet, tin di nan ta duna adultonan hasta instruccion con mester maneha un et of un tablet, y ta un economia cu no ta costa nos nada.
Parlamentario Bikker a menciona cu siman pasa tabata tin un conferencia sumamente bon organiza for di Sector Priva, E-Tech cu e audiencia a keda sumamente bon impresiona, y a duna elogio na e organizadornan. No obstante, PDR a keda sumamente decepciona cu no a mira ni un representante di gobierno den e conferencia aki. E ta kere cu nan tur ta keda concentra den “green, green, green” cu no ta materializa su mes te dia di awe.
El a reitera cu esun mas facil pa logra ta e economia di internet. El a remarca cu Facebook ta bal mas cu cierto banco y un refresco hopi renombra. Y asina tur aplicacion y software cu tur hende ta uza diariamente, ta bal biyones y si dos di nan so ta establece na Aruba, y si nan tin interes por ehemplo Google, e lo bay traha cu nos economia unda ya caba e infrastructura tey y no tin cu bay gamble ni habri universidadnan nobo, ni ningun sector.
“Esaki ta un economia cu nos ta kere den dje, y esun di green, green, green, ohala logra un dia; pero e no ta materializando su mes” segun mr. Andin Bikker, lider di PDR.
