Home General Fotografo Mericano a capta imagen di antes y awor di Aruba

Fotografo Mericano a capta imagen di antes y awor di Aruba

12
0
SHARE
- Advertisement -

ORANJESTAD (AAN) – Robert Osma ta un fotografo y un artista visual cu un biaha mas ta di bishita na Aruba.

Osma a splica cu el a yega di bishita e paraiso di Aruba algun aña pasa caba y a keda encanta cu e isla. Na e ocasion ey el a probecha y a saca potret di diferente area di e isla, pero tambe edificionan. Awor e ta bek y el a bolbe na e mesun sitio pa saca potret y mira e diferencia entre e dos periodonan.

Relaciona cu esaki el a dicidi di tene un exposicion di su potretnan cu ta den exhibicion awor na Biblioteca Nacional durante horarionan di e luga aki.

El a splica cu ta trata di un exihibicion di imagennan y potret. Como cu e ta un artista visual, e ta traha hopi cu realidad y otro obranan cu e ta imagina. Pero tambe el a yega di haci fotografia comercial pero bou di e nomber di super shot. Den su trabou comercial, el a enfatisa hopi riba su logo “to be the best that there is”.

Artisticamente, el a splica, nan ta traha cu realidad y loke nan ta imagina y cual ta wordo hinca den un imagen cu nan ta crea. E imagennan ta wordo crea basa riba percepcion di e fotografo. E ta tuma disciplina, training, educacion intenso y pasion pa e trabou pa logra un bunita resultado.

El a splica cu tin diferente tipo di fotografia, manera esun di arkitectura cu ta concentra riba edificionan cu na algun ocasion hopi raro ta ofrece un imagen nunca visto cu por capta, manera e poco biaha den un aña na Dowtown Miami , centro, ora cu e solo ta den un posicion moviendo di un banda pa otro mustrando e edificio manera rondo. Esey ta algun biaha pa aña so e ta asina.

El a papia di e edificio di Corte na Playa, Aruba, cual a keda fantasticamente restaura, e ta bisa, unda a haci un bunita combinacion di e parti dilanti (bieu) cu esun nobo (patras). Den su exhibicion por mira un potret cu el a yega di saca ora cu edificio bieu no a wordo restaura ainda y awor cu e ta bek el a bolbe saca un potret y por mira e diferencia.

Tur cos ta depende di e imagen pa mira si e publico ta compronde y e reaccion ta lo mas positivo cu por ricibi di e publico cu ta bin un exhibicion.

 

- Advertisement -

DUNA COMENTARIO

Please enter your comment!
Please enter your name here