Home General Gobierno mester bati alarma na Den Haag y exigi Visa pa Venezolanonan

Gobierno mester bati alarma na Den Haag y exigi Visa pa Venezolanonan

2
0
SHARE
- Advertisement -

Observadornan ta mustra

inmigracion_arubaORANJESTAD (AAN): E momento a yega pa Aruba haci un peticion acelera riba Ministerie van Buitenlandse Zaken na Hulanda, pa acelera cualkier investigacion y decision pa bin cu Visa obligatorio pa pasaheronan Venezolano.

Esey ta e indicacion cu DIARIO a bin ta ricibi e siman aki di diferente observador.  Nan ta simplemente uni den e mesun patronchi di pensamento cu ta wordo sinti en general riba e isla.  Esta pa restringui e cantidad di persona cu ta bin di Venezuela, y cu misteriosamente ta keda sin regresa ora cu nan fecha yega.

Pues DIARIO a tende hopi critica riba loke Ministro Benny Sevinger a bisa, esta cu e excusa fofo cu ta Hulanda mester pone VISA pa Venezolano.

E por ta berdad, pero como gobernante di e pais aki, bo mester por tin e voz pa asina bati e bel na Den Haag y exigi pa un investigacion acelera tuma lugar.  Pasobra kizas pa Den Haag, cu ta miles di kilometer leu, e asunto aki por keda riba e back-burner di e stoof pa hopi tempo.  Sinembargo e islanan ABC ta apenas algun kilometer leu for di costa Venezolano, y aki si e efecto ta wordo sinti bastante.

Specialmente awor cu alimento a bira mas y mas scars na e pais bisiña, lo por spera mas hende busca forma pa bandona nan hogar y check un lugar mas facil den region.

Pues e observadornan ta convenci, cu Gobierno di Aruba no mester djis keda pasivo riba e asunto aki, pero mester cuminza pidi atencion di legisladornan Hulandes.

Na Aruba mes, djis wak cuanto atraco ta keda registra ultimo lunanan.  Hasta un relato a sali di un directora, kende a wordo asalta na su cas.  Y e atracadornan tin impresion cu na Aruba, ta tur hende tin Caha Fuerte den nan cas.

Gobierno mester suplica Den Haag pa introduci Visa pa Venezolanonan.  Y tambe tuma nota con rapido e balor di Peso Colombiano ta cayendo, e observadornan ta haya cu no tabata corecto cu net awor kier elimina e exigencia di visa di Colombiano ni Dominicano.

DIARIO a ser informa, cu algun hende kier hasta organiza un marcha, pa exigi Gobierno pa acelera e idea pa bin cu Visa pa Venezolano.

- Advertisement -

DUNA COMENTARIO

Please enter your comment!
Please enter your name here