Home General Lo otorga 30 parkeo gratis pa clientenan di Sociale Zaken              

Lo otorga 30 parkeo gratis pa clientenan di Sociale Zaken              

0
0
SHARE
- Advertisement -

Minister Paul Croes:

ParkORANJESTAD(AAN)– Despues di consulta cu su colega Minister Otmar Oduber, Minister di Asuntonan Social drs. Paul Croes a informa departamento di asuntonan social cu lo bai di acuerdo cu nan peticion pa clientenan di e departamento di asuntonan Social haya un espacio mas amplio pa parkeo liber.

Ta trata di 30 parkeer plekken cerca di e edificio pa asina facilita nan yegada y entrada na e edificio di e departamento. “Esaki ta e preocupacion primordial di e trahadornan di e departamento. Clientenan cu un situacion financiero vulnerabel y tambe cu limitacionan fisico mester por haya e servicionan necesario, y nos ta percura pa esaki tambe”, Minister Paul Croes a mustra.

E trahadornan di e departamento a mustra riba e cantidad di 80 pa 100 cliente cu lo ta bishita e departamento diariamento y cu e 30 areanan liber aki, lo mester por acomoda nan. Pa locual ta e autonan di dienst, tambe Gobierno a informa e manifestantenan cu lo tin 9 area di parkeo liber pa esakinan. Asina ta cumpli cu esaki tambe manera acorda.

E departamento di asuntonan Social ta situa net riba e grens di betaaldparkeren, locual ta significa cu algun meter mas leu e trahadornan no mester paga pa para nan auto. Gobierno lo no bai di acuerdo pa hasi un excepcion pa un ambtenaar.

Posicion di Gobierno den esaki ta cu no por discrimina entre un trahador di sector priva cu di gobierno.

Riba e punto aki e trahadornan cu gobierno a keda den un desacuerdo. Mientras tanto e trahadornan lo por para den e cayanan cerca di lagoen sin cu nan mester paga pa esaki.

- Advertisement -

DUNA COMENTARIO

Please enter your comment!
Please enter your name here