Home Policial Turista crusero ta muri na beach

Turista crusero ta muri na beach

5
0
SHARE
- Advertisement -

Turista crusero ta muri na beachORANJESTAD(AAN): Un turista cu a baha di crusero Carnival Breeze y a bai disfruta di nos beachnan na Aruba, no a regresa su barco mas.

Durante cu e tabata landa dilanti di e beach di Hilton Hotel el a haya un ataca di curazon den awa. Algun personal di watersport a wordo acerca pa e yiu homber di e victima bisando cu su tata ta den lama y no ta reacciona.

E personal a landa bai cerca e homber y berdad e homber tabata biña caba y barica tur geblaas. Nan a logra bin cune canto y polis maritimo a yega den tempo record pa asina duna asistencia pero mucho mas no tabata por a hasi.

A warda ambulance yega pa nan sigui purba di reanima e homber pero no a logra.

Pues e turista awor a keda atras na Aruba,  y e crusero a bandona Aruba pa 4’or sin nan.  E agencia di e barco awor lo bay haci tramitenan pa e turista por regresa su pais bek.  Palabranan di condolencia na e famia.

- Advertisement -

DUNA COMENTARIO

Please enter your comment!
Please enter your name here