Home Politica Votadornan kier Glenbert Croes e yiu di libertador como proximo lider di...

Votadornan kier Glenbert Croes e yiu di libertador como proximo lider di MEP

0
0
SHARE
- Advertisement -

Instruccion pa tur candidato gaba Evelyn Croes henter siman pa lider di MEP den congreso

OLYMPUS DIGITAL CAMERA
OLYMPUS DIGITAL CAMERA

ORANJESTAD(AAN): E ta hopi bisto cu den conseho di partido MEP e lider a duna instruccion pa tur candidato sali gaba e actual lider di MEP. Su popularidad ta hopi abou y den e votadornan fiel ta kere cu mester cambia e liderazgo di MEP.

E forma di gaba ta pa purba mustra cu riba nan mes lo ta sostene e candidatura di Evelyn. E realidad mientrastanto ta otro. A mira cu tur dia dos of tres candidato ta mandando comunicadonan uno tras di otro y elogia nan lider pero cu sentimentonan mixto. Glenbert Croes ta e candidato cu varios di e fiel votadornan di MEP kier mira como lider.

E negativismo di Evelyn ta traha negativamente mey mey di tur e votadornan. E historia di famia directo cu tambe a gosa cu placa di pueblo ainda ta bibo den memoria di votadornan of otronan cu ainda a yega di evalua pa vota pa MEP. Ironia di bida ta cu te hasta Ady Thijsen kende kier a bira lider ultimo congreso pero a perde mahos, awor tambe ta traha comunicado pa gaba Evelyn Croes.

Parce cu ainda Ady Thijsen kier purba pa papia bon elogiando lider y bay un eleccion mas. Asina mes e mensahe ta cla cu den siguiente eleccion Ady Thijsen ta mas afo cu e ta aden. Glenbert Croes a haye obliga tambe di papia bon di Evelyn y distancia su mes cu interes pa bira lider. E mes ta sinti cu votadornan kier pa e bira lider y no Evelyn. Pesey for di trempan el a sali bisa cu ta Evelyn ta esun cu mester haya sosten den congreso.

Si Glenbert cumpli cu deseonan di votadornan y postula su mes pa lider, sigur Evelyn por wel di lubida cu e lo gana den e congreso di MEP. E siman aki ainda lo mira varios otro candidato riba instruccion papiando bunita di Evelyn Croes prome cu e congreso. Si tur ta papia cu a dicidi cu Evelyn Croes ta bira lider, pakico mester tin congreso pa lider? Esey ta propio hendenan di MEP mes ta puntrando.

 

- Advertisement -

DUNA COMENTARIO

Please enter your comment!
Please enter your name here