Archivo di October, 2015

Trudy Hassel lo cuminsa traha dialuna awor

Publication: Saturday, 31 October 2015. Categoria: General

bek den staff di Polis

TrudyORANJESTAD(AAN): Segun minister di Husticia, mr. Drs. Arthur Dowers, sra. Hassel ex comisario y ex directora di KIA, ta na disposicion di ministerio di husticia y a palabra cun’e cu e lo cuminsa den Cuerpo Policial den funcion di miembro di e staff di Korpschef. No ta asina ey cu e ta na cas y cu e ta cobra.

El a keda na disposicion di e ministerio y a tuma un vakantie tambe. Esey ta algo cu cada trahador merece tambe. Dialuna awo Hassel ta cuminsa cu su trabaonan como parti di staff di Korpschef.

Polis ta confirma cu Carlos Huerta ta un di e supuesto atracadornan

Publication: Saturday, 31 October 2015. Categoria: Policial

Noticia di Diabierna mainta den DIARIO confirma

ORANJESTAD (AAN): Ya caba DIARIO a publica dos nomber den edicion di Diabierna mainta, cu un periodista Venezolana a divulga. E lo a haya e nomber di fuentenan Venezolano cu a ser consulta door di autoridadnan.

Manera ta conoci, Dialuna 26 di october 2015 un atraco arma a tuma lugar riba Excelsior Casino. En coneccion cu e atraco aki, Mando Policial a lanta un team special di investigacion.

Durante e investigacion a logra determina cu tres persona masculino di habla hispano ta e personanan cu a comete e atraco arma riba e Casino. A resulta cu e atracadornan a bay cu un suma considerabel di placa for di e lugar.

Ainda presupuesto 2016 no a drenta na Parlamento

Publication: Saturday, 31 October 2015. Categoria: General

Drs. Marisol Lopez Tromp

Ainda presupuesto 2016 no a drenta na ParlamentoORANJESTAD (AAN)– Aruba semper tabatin un problema pa entrega di presupuestonan annual na tempo, manera ley ta prescribe. Ultimamente a haya un retraso masha grandi mes cu esun di 2014 ora cu Aruba a haya problema cu Hulanda, cu no tabata di acuerdo cu e gastonan cu ta aumentando y no ta trahando, na opinion di Hulanda, pa yega na un presupuesto balansa.

Esaki a causa cu practicamente casi un aña despues e presupuesto di 2014 a wordo aproba. Esun di 2015 tampoco a logra cumpli cu e exigencianan di ley.

Awor Gabinete Mike Eman II ta trahando pa basta luna caba riba presupuesto di 2016.

Invasion di Venezolanonan tambe ta un peliger pa nos salubridad publico

Publication: Saturday, 31 October 2015. Categoria: Policial

Parlamentario mr. Juan Ady Thijsen:

Invasion di Venezolanonan tambe ta un peliger pa nos salubridad publicoORANJESTAD   (AAN): Segun Parlamentario mr. Juan Ady Thijsen actualmente Aruba ta sufriendo den e aspecto di criminalidad cu e binimento di Venezolanonan pero e presencia illegal di Venezolanonan ta un peliger tambe pa nos salubridad publico.

Ta conoci cu ora un trahador di afo kier bin traha na Aruba e tin cu pasa den un control medico prome cu e haya permiso di trabao. Esaki sigur no ta tumando lugar cu e tantisimo turistanan Venezolano cu ta kedando illegal na Aruba. Na Hulanda nos por a mira cu den e grupo di vluchtelingenan a bin haya hende cu e malesa Ebola.

Paramento di garantia pa turista a bira un negoshi

Publication: Saturday, 31 October 2015. Categoria: General

Paramento di garantia pa turista a bira un negoshiORANJESTAD(AAN): Tin un proceso cu ta bati na porta di departamento huridico, den caya grandi, unda tabata Interbank y ta yena un formulario cu ta ricibi bishita di tanto hende. Naturalmente tin cu proba cu tin un entrada suficiente pa ricibi hende na cas, locual cu awor aki no ta wordo pidi.

Nan ta djis yena e papel y ora yega, nan ta pasa imigracion sin cu ta haci e control cu cualkier turista Venezolano mester haci tambe. Una bes nan tin e papel ey den nan man, nan ta pasa bay sin problema, sin control riba dollar, credit card, etc.

Cantidad di venezolanonan cu ta yega pa dia ta crea presion riba comunidad

Publication: Saturday, 31 October 2015. Categoria: General

Ministro di husticia ta haya cu

ORANJESTAD(AAN)– Awor aki ta reevalua pa sigui of no cu e sistema di para garantia pa bishitantenan. A mira cu tin un buraco den dje. E no ta un sistema nobo, pero mirando cu ta haciendo mal uso di dje., caminda cu ta bisa cu ora para garantia, mester bay tin cierto consecuencia.

Por pidi departamento huridico pa mira tambe cu si bin cu un tipo di borg pa esnan cu ta para garantia, segun ministro di husticia Mr. Drs. Arthur Dowers..

Pero na momento cu e persona no bay cu e dianan cu e haya for di imigracion, ta haya cu tin un problema, pasobra ta kita e borg, e ora ey no por pidi tampoco nunca mas pa para garantia pa ningun hende.

E tres atracadornan aki habla spaño sin cara tapa a horta Excelsior Casino

Publication: Saturday, 31 October 2015. Categoria: Policial

ORANJESTAD(AAN): Te na e momentonan aki no a pone man riba e atracadornan cu a drenta Excelsior Casino. Nan a drenta e casino ora cu ya caba tabata poco cla den dia. E dia ey ta e dia cu ta habri e jackpotnan pa saca placa.

Sumanan grandi ta wordo saca for di e machinenan aki. E atracadornan a drenta uno tras di otro. Tur tres sin nada na cara y esun mas patras cu tas a drenta uno tras di otro.

Varios miembro di fraccion di AVP presente na e celebracion di 85 aniversario di Camara di Comercio.

Publication: Saturday, 31 October 2015. Categoria: General

Parlamentario Jennifer Arends-Reyes

Varios miembro di fraccion di AVP presente na e celebracion di 85 aniversario di Camara di Comercio.ORANJESTAD (AAN): Recientemente Camara di Comercio a celebra su di 85 anniversario y a tene un anochi di presentacion, networking y entretenimento.

E presentacion duna door di e keynote speaker Sr. Xavier Debrun cu ta traha na IMF pero a bin como experto riba su mes a duna algun ehempel internacional di experiencianan ariba e topico di finanzas publico y kico lo por siña di nan.

Medida pa limita cantidad di venezolano no tabata tin efecto

Publication: Saturday, 31 October 2015. Categoria: General

ORANJESTAD(AAN)– Ministro di husticia Mr. Drs. Arthur Dowers ta mira cu e sistema di garantia pa bishitantenan no ta funciona. El a laga sa di lo pidi e departamento huridico pa duna conseho con ta bay hacie cu esaki berdaderamente ta funciona.

“Ora cu tende tambe cu mag di para garantia pa mas cu un hende, anto ta bisa cu ta mara na un salario. Pero si tin un salario cu un hende por come for di dje, con por para garantia pa cinco hende ? Pero no ta un exigencia cu e salario mester ta hopi mas halto pa para garantia.

Energia sostenibel mester worde carga pa henter comunidad

Publication: Saturday, 31 October 2015. Categoria: General

Parlamentario Sr. Jeffrey Kelly:

Energia sostenibel mester worde carga pa henter comunidadORANJESTAD (AAN): Parlamentario Kelly tabata presente na e “Green Conference” cu a tuma luga e siman aki y ta califica e tema cu a worde trata como uno sumamente interesante, mirando e beneficionan significante cu esaki lo por crea pa nos comunidad.

Durante e conferencia varios experto y ehecutivonan di diferente compania di utilidad a papia riba e tema aki y duna nan punto di bista tocante e beneficionan cu energia alternativo ta brinda. Importante ta pa keda informa henter comunidad di e embergadura di e vision 2020, mirando cu mundialmente tin un interes grandi pa e tema aki.

Diabetes hopi biaha ta mara na nos estilo di bida!

Publication: Saturday, 31 October 2015. Categoria: General

Diabetes hopi biaha ta mara na nos estilo di bida!ORANJESTAD (AAN) – Den conferencia di prensa convoca pa Departamento di Salud Publico su Plataforma Comision di Salud, relaciona cu e Dia Mundial di Diabetes y Luna Nacional di Diabetes na Aruba, señora Sonia Kappel a indica cu malesa di sucu ta un enfermedad cronico, cu tur hende por haye, pero cu e ta hopi mara na nos estilo di bida.

Señora Kappel a subraya cu 70 porciento di e casonan di Diabetes tipo 2 por worde evita. Esaki ta e tipo cu no ta depende di Insulina y cu hopi biaha ta mara na “life style” anto un estilo di vida saludable ta preveni hopi complicacion, cu por bin hunto cu Diabetes.

Proceso pa un director general pa hospital ta ganando bon

Publication: Saturday, 31 October 2015. Categoria: General

ORANJESTAD(AAN): Gino Goeloe ta presidi e comision, hunta di supervision di hospital. Tin un publicacion den medionan di prensa riba un posibel director general pa Dr. Horacio Oduber Hospital. Pero no a tende nada.

Segun Goeloe, e proceso ta canando hopi bon. Tin cu bisa cu e parti unda cu a menciona un tempo pasa cu tabata tin dos candidato cu den e caso aki tabata un persona di Corsou, biba na Hulanda y un persona tambe Hulandes, biba na Surinam.

Tin cu bisa cu e proceso ey a worde termina. Den e caso aki e proceso cu e comision y KPMG a yega na e caso aki, cu no ta sigui mas cu hospital y a reuni den e seno, a sigui conhuntamente cu e consultant pa mira ki posibilidad tin y awor aki ta bezig cu un proceso pa e candidato.

Gobierno a nenga conseho di seguridad nacional pa wak bon ken ta drenta Aruba

Publication: Saturday, 31 October 2015. Categoria: Politica

Parlamentario mr. Juan Ady Thijsen:

ORANJESTAD     (AAN):   Parlamentario mr. Juan Ady Thijsen a haya conocimiento di un nota di Departamento di Seguridad Nacional di Aruba di fecha 18 di februari 2014 dirigi na varios Ministro di nos pais entre nan Ministro Presidente, Ministro di Husticia, Ministro di Imigracion y Ministro di Turismo.

Ta asina ki cu tur pais democratico tin su Departamento di Seguridad Nacional, su tareanan principal ta cuida seguridad di nacion. Esey ta encera entre otro cualkier actividad y sucedido cu por pone existencia di e pais na peliger.

ATIA ta celebra 70 aña cu nan tremendo “Annual Corporate Event”

Publication: Saturday, 31 October 2015. Categoria: General

ORANJESTAD (AAN): Manera ta conoci, anualmente Aruba Trade and Industry Association (ATIA) ta organiza nan “Annual Corporate Event” y e aña aki den conexion cu nan 70 aniversario sigur nan a prepara un tremendo evento pa tur miembro como tambe henter comunidad di Aruba.

Durante e conferencia di prensa, directora interino di ATIA, Srta. Kimberly Boekhoudt a anuncia Señora Ronnie Goldberg como e orador invita pa e evento aki cu lo tuma luga November 27, na Aruba Marriott Ballroom cuminsando 7’or di anochi.

AZV a pidi tur hende pa no warda pa renoba bo Zorgpas

Publication: Saturday, 31 October 2015. Categoria: General

AZV a pidi tur hende pa no warda pa renoba bo ZorgpasORANJESTAD(AAN): E vocero di AZV, Solange Tchong durante entrevista a remarca cu si bay back riba pasa den e proceso aki, tin cu menciona cu AZV di su banda a haci diferente intento pa logra manda tur hende un carta di invitacion. Banda di esey a manda tambe carta recordatorio na e clientenan cu no a acudi y hasta AZV a duna dos diasabra, unda cu a habri extra pa brinda e servicio di renovacion di zorgpas.

Den luna di October a habri dos diasabra extra pa asina por acomoda e cliente. Es decir, duna un dia extra na unda cu por a haci uso di un diasabra mainta pa renoba e zorgpas. For di banda di AZV un biaha mas ta satisfecho cu tur esnan cu sigur a acudi.