Home General Arubus ta indica cu nan a cancela caso den Corte despues cu...

Arubus ta indica cu nan a cancela caso den Corte despues cu Sindicato STA a core pidi pa esey

0
0
SHARE
- Advertisement -

Arubus ta indica cu nan a cancela caso den Corte despues cu Sindicato STA a core pidi pa eseyORANJESTAD(AAN): Relaciona cu e protesta, Teo Croes director di Arubus ta lamenta cu no ta solamente e empresa ta perde entrada cu accionnan manera esun di diaranson, pero cu e cliente ta worde afecta.

E director a menciona e otro puntonan di atencion cu el a ricibi di e empleadonan. E bushaltenan cu falta iluminacion ta worde drecha. E mashinnan den e busnan cu no ta trahando bon ta worde drecha y ta ricibiendo un upgrading di e software y e “report” cu e chauffeur no por saca e supervisor ta saca p’e.

E busnan sushi ta un asunto cu ta worde adresa tambe; como cu nan ta worde laba na man tin biaha por pasa cu no ta alcansa pa tur worde laba e mesun dia.

Cu e busnan ta den mal estado, e empleadonan a menciona sientanan kibra, wiper kibra y luznan kibra, entre otro, no ta asina pasobra un garashi no ta laga ningun bus sali cu no ta sigur pa core cune, segun Teo Croes. Sa pasa cu tin un “tekort” na bus hustamente pasobra cu e garashi no ta laga un bus sali, el a agrega.

E punto cu empleadonan a pone riba nan lista encuanto di e uniformnan no ta algo cu ta perhudica hende y no ta cos cu mester a bira un parti di un dilema y crisis, Croes a splica. El a bisa cu e trahadonan a bisa cu nan kier e uniform di camisa geel back y cu e carson blauw scur cu Arubus tin ya pa 36 aña ta uza ta trek mucho solo.

Asina Teo Croes a elabora riba diferente otro punto den un entrevista diaranson.

El a bisa cu tabatin mencion tambe cu e chauffeurnan mester core mas duro pasobra tabatin “inkrimping” di wardanan y pa nan alcansa haya nan break nan mester core mas duro. Esaki no ta cuadra, segun e director, como cu a haci adaptacionnan pa logra pa tur cos cana manera mester ta. Un cos cu Arubus no tin control over di dje ta trafico, cu por ta mas pisa cualkier momento di dia y asina ta causa cu e chauffeur ta tarda mas riba un ruta.

E empleadonan a “sugeri” tambe den nan carta pa permiti nan pa cambia warda cinco of seis biaha pa luna; actualmente nan ta permiti cambionan tres biaha pa luna, pero di otro banda nan mesun CAO ta bisa “dos biaha”, Teo Croes a comenta.

Un otro punto di atencion di e planning di vakantie, cu segun e empleadonan no ta bayendo bon. Croes a bisa cu e caso di pidi vakantie ta cu e empleadonan sa cu a vakantieplanning ta worde haci na cuminsamento di aña y na maart nan mester entrega nan peticion pa vakantie. Mas di 80% no ta entrega nan peticion y nan no por spera cu nan ta pidi vakantie di un dia pa otro y esaki ta worde aproba.

E asunto di insiguridad na e bushalte di Playa tambe ta worde adresa caba y ta den proceso pa cera e aceso pa autonan pasa den e bushalte.

Teo Croes a conclui bisando cu gerencia y e shopstewardnan tin poni pa reuni un biaha pa luna, nan reunionnan ta bay den bon esfera. E ta nan derecho democratico pa protesta, Teo Croes a bisa, pero den e caso aki e no ta wak puntonan valido pa un accion. Relaciona cu mesun situacion, Arubus a cuminsa un caso mesora contra STA pa locual a sosode pa nan no ripiti esaki. Nan abogado a manda Arubus un verzoek pa trek in e caso y cu nan lo kier delibera. Tambe STA a garantiza cu durante deliberacion nan ta garantisa cu no lo bin ningun accion. Tambe si negociacon pega cu nan lo avisa 24 ora prome si tin cualkier welga of protesta.

Debi na e peticion aki, Arubus via nan abogado a manda pidi cancela e caso den Corte.

 

- Advertisement -

DUNA COMENTARIO

Please enter your comment!
Please enter your name here