Home General Ciudadano rabia cu Aruparking

Ciudadano rabia cu Aruparking

0
0
SHARE
- Advertisement -

Ciudadano rabia cu AruparkingORANJESTAD (AAN): Un ciudadano cu no a paga mucho tino riba su auto, a dicidi di subi esaki y cuminsa core y a sinti cu e auto a pega.

A resulta cu a pega un klem cu awor lo coste basta placa. Un situacion cu e ta haya inhusto.

Segun e señora a splica, el a staciona den bisindario di KeKe y a bay haci algun respondi. Na momento cu el a bolbe su pensamento tabata leu y no a paga tino cu miembronan di Aruparking a “podera” di su auto”.

El a simplemente subi su auto y na momento cu el a bay reverse, el a sinti algo straño y a para mesora. Pa su sorpresa, el a constata cu tabatin un klem poni riba su tire cu a no a mira mes. Den su desesperacion, el a dicidi di cana bay te na oficina di Aruparking den Wilhelminastraat, mientrastanto empleadonan di e compania ya caba a yega na su auto cu takelwagen pa bay cu su vehiculo.

Segun e ta bisa, nan a informe cu e lo mester bay paga 1.000 florin pasobra el a daña e klem cu a wordo poni riba su auto.

E no tin palabra pa describi e daño cu Aruparking ta haci na ciudadanonan. Ademas cu e no tabata sa cu ciudadanionan di Aruba ta wordo “castiga” di e forma aki, e no tabata consciente mes di e asunto di klem.

E no tin palabra pa describi loke cu e ta pensa di e situacion aki cu ta forma un problema mas pa pueblo di Aruba. Y Riba dje, awor e ta haya tende cu e mester paga 1.000 florin pasobra el a daña e klem, cu e no a ripara mes tabata pega riba su auto.

DIARIO ta corda ciudadanonan, pa por fabor no staciona den lugar prohibi, usa e vaknan pa staciona, paga pa bo minuutnan, y bo ta haci bo respondi sin problema.

 

- Advertisement -

DUNA COMENTARIO

Please enter your comment!
Please enter your name here