Home Politica Cu aclamacion di Evelyn Croes como lider nifica cu no tin democracia...

Cu aclamacion di Evelyn Croes como lider nifica cu no tin democracia den MEP

1
0
SHARE
- Advertisement -

Melvin Tromp di AVP:

Cu aclamacion di Evelyn Croes como lider nifica cu no tin democracia den MEPORANJESTAD   (AAN): Partido AVP a tene su conferencia semanal. Melvin Tromp a hiba palabra.

El a splica cu obligatoriamente e ta reacciona mirando algun punto cu oponentenan a trece dilanti.

Aki el a splica riba un congreso siman pasa unda tabata tin un aclamacion. Ora ta papia di democracia e no ta refleha den partido MEP.

E liderazgo di MEP a demostra cu esnan cu ta grita den parlamento pa Democracia a demostra otro di nan cantaleta segun Melvin Tromp.

E forma cu lider di MEP a resalta den e proceso a tuma nota cu a saca hende cu pa dos aña largo no tabata bin dilanti como politico.

Ta despues di derota di 13 asiento contra 7 asiento ta haci comosifuera esaki ta e hende cu ta bin salba e pais. Ta hendenan cu a dobla como politico y mustra nan deficiencia.

Melvin Tromp di AVP a splica cu den e fraccion di MEP tin tres cu tabata aspira pa bira lider. E mes a hiba combersacion personal cu nan y nan a sigura su persona di kier bira lider di MEP.

Simplemente hendenan sin weso di lomba a demostra cu un biaha mas mester a dobla pa e lider actua. Kier a hunga wega y obliga esnan cu tabata tin interes pa sirbi nan partido como MEP pa dobla y nenga nan interes.

Fundador y Caciquenan di MEP a expresa nan mes y bisa cu nan no ta desea Evelyn Croes por sigui cu e tarea como lider. E tempo ey lider di MEP mester a sali  busca e Caciquenan di MEP y cu a funda MEP e tempo ey pa busca sosten. Glenbert Croes desde 20 aña pasa tabata aspira pa bira lider di MEP segun Melvin Tromp y e mes a papia cune. E ta sigur cu semper el a aspira pa tuma e partido cu su tata a funda.

 

- Advertisement -

DUNA COMENTARIO

Please enter your comment!
Please enter your name here