Home General Digene Zimmerman corona Reina Hispanoamericana Aruba 2015

Digene Zimmerman corona Reina Hispanoamericana Aruba 2015

3
0
SHARE
- Advertisement -

Cla pa representa Aruba na Bolivia otro siman:

ORANJESTAD   (AAN)-  Durante un anochi special Diaranzon anochi na Oxygen Lounge, a tuma lugar coronacion y alavez bistimento di sjerp pa Digene Zimmerman.  El a wordo escogi pa bay representa Aruba na Reina Hispanoamerica cu lo tuma lugar na Bolivia.

Ya caba Diadomingo awor e ta saliendo pa Bolivia, y Digene a mustra na DIARIO cu e ta sumamente entusiasma pa competi na e evento.

Star Promotion Foundation (SPF) a duna e honor na Natalia Delgado di Travel Store Aruba pa pone e corona, mientras cu Miss Aruba Universe 2015, Alysha Boekhoudt a bisti e sjerp.

Manera por corda, Digene tabata Miss Aruba 2014 y a representa Aruba na comienzo di aña na Doral, Miami na certamen Miss Universo unda cu el a realisa un tremendo trabou pa promociona Aruba mei mei di e 80 paisnan participando. Digene su participacion na Miss Universo sigur a yud’e gana hopi experiencia valioso cu lo ta su armanan principal na e certamen na Bolivia.

Hunto cu Digene tambe tabata presente na e coronacion nos Miss Aruba Universe 2015 Alysha Boekhoudt, Miss Aruba World 2015 Nicole van Tellingen y Miss Earth Aruba Kim Wever. Tur tambe ta den preparacion pa representa Aruba internacionalmente pronto.

- Advertisement -

DUNA COMENTARIO

Please enter your comment!
Please enter your name here