Home Policial Henter un bario a subi caya debi cu nan ta fada di...

Henter un bario a subi caya debi cu nan ta fada di e mesun homber troublemaker

2
0
SHARE
- Advertisement -

ORANJESTAD (AAN): Habitantenan di Madiki Kavel kier pa nan bario ta na paz, trankilidad, y sin problema.  Pesey tanto Polis y observadornan a keda sorprendi, con full un caya, a sali di nan cas, uni den un solo meta, esta pa manda un mensahe cla y raspa pa un recidivista cu ta haciendo nan bida imposible y ta sigui di bira cada biaha indeseable.

Ta e mesun homber, kende apenas algun siman pasa caba tabata den noticia, ora cu el a keda deteni den Madiki Kavel debi cu el a menaza y dal hende.

Atrobe e tabata den noticia Diaranzon anochi na Madiki Kavel.  Polis a haya informacion, cu e biaha aki ta tur bisiña ta den un conflicto cu e homber aki.

E biaha aki, atrobe tabatin menaza cu a skeiro, y hasta un bentana di cas a wordo destrui.

E problema a bira asina grandi, te cu e bisiñanan a subi caya, uni, pa asina demostra contra e homber problematico aki, kende tin e pensamento eroneo cu tur hende gusta su “thug life”.

Pero bisiñanan a fada di dje, y nan no kier ni mire mas den e bario.

Polis a yega cu diferente unidad na e caya, y asina mesora a restablece orden pa asina evita cu situacion a sali for di man.

Ora di a haya mas detaye, Polis mesora a bolbe detene e homber aki di inicial J., y a bay cune debi na e caso di menaza serio, y e destruccion cu el a comete.

Polis ta bay check cu FCCA y Polis di Bario tambe.  Esey debi cu recien FCCA a divulga cu hende/famianan problematico den casnan di pueblo, ta core riesgo di perde nan cas.  Pues tin chens cu pronto nan lo no tin lugar mas di biba, debi cu ta hibando un bida anti-social.

 

- Advertisement -

DUNA COMENTARIO

Please enter your comment!
Please enter your name here