Home Policial Homber retira di trabao a bolbe cu machete y herida hende

Homber retira di trabao a bolbe cu machete y herida hende

0
0
SHARE
- Advertisement -

ORANJESTAD.(AAN): A wordo reporta diahuebs mainta algo pasa di och’ or cu na altura di e cruzada Mahuma tin bringamento cu arma. Mesora central di polis a despacha patruya di Oranjestad pa bay eynan y ora polis a presenta nan a papia cu e homber di inicialnan M.M.

E homber a declara cu el a duna su ex colega di inicialnan A.P. retiro diaranzon.

Diahuebs mainta A.P. a presenta rabia, y agresivo, na pia di trabao, arma cu machete y cuchio di cushina.

Segun M., e homber A.P. na diferente ocasion a trata di cap e pero debi cu el a keda hala atras A.P. a hera di herid’e cu e obheto.

M.M. a sconde tras di un trahador di inicialnan C.O. cu a trata pa calma A.P. Pero A.P. a zwaai cu machete te cu el a herida C.O. den cara.

A.P. a bay asina leu pa menasa tanto M.M. y C.O.cu morto y el a cana bay direccion di e pickup (A-19969) di M.M. y a destrui windshield dilanti cu klinker.

Despues A.P. a bandona e lugar den un Toyota Tercel color berde , mientras e homber C.O. naci na Bonaire di 34 aña a wordo hiba na poli pa e wordo trata na prome auxilio.

E homber M.M. di 54 aña a wordo dirigi pa despacho di recherche pa e entrega denuncia oficial.

 

 

- Advertisement -

DUNA COMENTARIO

Please enter your comment!
Please enter your name here