Home Policial Accidente cu 4 auto y herido altura di PriceSmart

Accidente cu 4 auto y herido altura di PriceSmart

1
0
SHARE
- Advertisement -

ORANJESTAD (AAN): Dialuna anochi riba caminda principal di Sabana Berde altura di PriceSmart un accidente di auto basta fuerte a sucede, y cu a laga saldo di dos herido y muchanan herida.

Di biaha unidadnan policial y ambulance a presenta na e lugar y Vehiculo di Rescate di Cuerpo di Bombero a ser activa.

En total, 4 auto tabata envolvi den e accidente aki cu a laga basta daño material atras. DIARIO a nota cu Polis di Trafico tambe a presenta pa haci nan investigacion.

Un Chevrolet Aveo color shinishi cu number A-47188 a sali for di Avenida Milio Croes subi Highway di Playa pa San Nicolas pa bay pariba, net ora cu un Ford Edge blanco A-23155 cu tabata bin di pabao cu velocidad halto.

E Ford Edge a bay dal basta fuerte tras di e Aveo, cu consecuencia esaki a perde control dal riba un Nissan Pickup color blanco A-28693 cu ta bin di direccion contrario. Un Kia Rio cu tabata bahando di pariba tambe a dal den e vehiculonan aki.

Ambulance a atende cu e heridonan na e lugar, y polis ta bay haci calculo pa check con hopi e Chevrolet Aveo a subi caba riba caya ora e Ford Edge a dal su tras.

Ta poni den reglanan di trafico na Aruba, cu si e impacto a socede net riba e cruzada, e ora ta e Chevrolet Aveo no a duna preferencia. Pero si e impacto a socede tanto meter leu for di e cruzada, e ora ta e Ford Edge no a regla su velocidad na tempo. Finalmente ta e rapport di Polis lo duna e detaye si ta e Chevrolet Aveo a comete e eror, of ta e Ford Edge. Tur esey basa riba e momento di impacto.

 

- Advertisement -

DUNA COMENTARIO

Please enter your comment!
Please enter your name here