Home General Lo haya solucion pa parkeer pa trahadonan di Parlamento

Lo haya solucion pa parkeer pa trahadonan di Parlamento

0
0
SHARE
- Advertisement -

Minister Benny Sievinger: 

Lo haya solucion pa parkeer pa trahadonan di ParlamentoORANJESTAD (AAN): Dialuna mainta na momento cu Minister Benny Sievinger mester a atende un reunion cu Comision di Parlamento riba e asunto di extranheria y turismo, el a wordo acerca pa Presidente di Parlamento, drs Marisol Lopez Tromp, pa e scucha un grupo di trahado di Parlamento,  kendenan ta disgusta cu e hecho cu mainta a cera nan espacio pa staciona auto patras di e edificio di Parlamento.

Segun Minister Benny Sievinger el a sinta scucha e trahadonan, nan obhecion y preocupacion y a mustra cu e no ta mira un situacion pa cual lo no tin solucion, y el a sinta cu e trahadonan apesar cu e asunto aki ta regarda Minister Otmar Oduber kende ta den exterior.

Segun e mandatario, el a tuma contacto mesora cu Minister Oduber riba e situacion aki kende tambe a mustra cu lo trata di haya un solucion a corto plaso y si por den curso di ayera pa awe esaki lo keda atendi y soluciona.

E mandatario a sigui mustra cu den ehecucion di tur proyecto por surgi cierto contratiempo pero cu esakinan ta asuntonan cu mester wordo atendi y a bay den contacto mesora cu Minister Oduber y asina inicia cu e proceso pa haya un solucion pa e asunto cu a surgi.

Pa loke ta e asunto di parkeer na e parking lot di Tivoli ta trata aki di un propiedad di FCCA y Gobierno a huur esaki pa un periodo pero esaki ta terminando y e espacio lo bay bek pa FCCA pero den e caso aki Minister Sievinger a mustra cu mester busca un solucion a largo plaso y no algo cu ta temporal y di corto duracion pero a confirma di ta den contacto cu Minister Otmar Oduber riba e asunto aki, caminda hunto cu AruParking  lo haya un solucion adecuado pa e asunto aki.

Minister Sievinger a sigura cu esaki lo por keda cla den careda di ayera pa awe pero cu sin duda esaki lo keda soluciona na beneficio di tur envolvi.

 

- Advertisement -

DUNA COMENTARIO

Please enter your comment!
Please enter your name here