Home Hudicial Muher acusa di a hinca su acompañante den pecho declara liber

Muher acusa di a hinca su acompañante den pecho declara liber

0
0
SHARE
- Advertisement -

Hues no ta haya cu tin suficiente prueba

ORANJESTAD (AAN)– Manera DIARIO a publica, ayera mainta e dama N.C. a presenta dilanti Hues pa scucha su sentencia. Ta asina cu N.C. ta deteni y a worde treci den sala di Corte pa miembronan di CEA.

SOSPECHOSO DECLARA LIBER: Hues a bisa cu e acusacionnan contra N.C. ta cu dia 9 October 2015, el a purba mata su acompañante J. Tambe e ta worde acusa di riba e mesun fecha, intento di maltrato severo door di a usa e cuchio. Tambe e ta worde acusa di maltrato cu arma riba e homber J.

Hues a bisa cu ta un hecho cu N.C. a hinca J. cu cuchio na pecho.

Hues a mustra cu durante di e caso, N.C. a bisa cu durante e discusion, el a bay den cushina y coy cuchio, J. a bay purba kita cuchio pero no logra y J. a resulta hinca.

Na opinion di Hues, J. a duna un declaracion pero Hues no ta haya cu tin motibo pa duna e declaracion di J. mas peso cu e declaracion di e sospechoso N.V.

Hues ta haya cu den e procesverbaal di Polis, solamente tin declaracion di e victima J. cual ta worde contradeci pa e sospechoso.

Na opinion di Hues no tin suficiente motibo pa kere mas den e declaracion di J. cu esun di e sospechoso N.C. Hues a mustra tambe cu for di e investigacion no a produci suficiente prueba tecnico cu ta yuda e declaracion di e victima contra e declaracion di e sospechoso.

Esey ta haci cu Hues a declara N.C. liber y a duna orden pa laga liber di biaha. Abogado mr. v.d.Biezen a bay cerca N.C. pa inform’e y por a mira cu N.C. tabata sumamente contento.

GRITO DI ALEGRIA: Por a mira expresion di alegria riba cara di N.C. Ora el a worde hiba patras unda e celnan ta, por a scucha un grito di alegria fuerte di N.C. Sin duda e ta sumamente contento cu husticia a prevalence na su fabor.

 

- Advertisement -

DUNA COMENTARIO

Please enter your comment!
Please enter your name here