Home General Aumento di nivel di lama ta causa menasa serio pa SIDS y...

Aumento di nivel di lama ta causa menasa serio pa SIDS y desaroyo sostenibel”

0
0
SHARE
- Advertisement -

Minister Sevinger na COP21

ORANJESTAD (AAN): Durante un reunion organisa pa UN den ‘Pershing Hall Hotel’ na Paris, Minister Sevinger a duna un discurso den nomber di Reino Hulandes, reemplazando Prome Minister Eman.

Dignitarionan di SIDS (Small Island Developing States) tabata presente hunto cu un delegacion di Corsou bou guia di Minister Susanne Camelia-Römer, Minister di Trafico, Transporte y Planificacion Urbano. Vice secretario di UN y representante di SIDS Gyan Chandra Acharya a presidi e evento.

Sevinger a splica esnan presente cu Corsou, Sint Maarten y Aruba ta islanan SIDS den Caribe di cual Aruba ta esun di mas chikito. “Hunto cu Hulanda Aruba ta forma parti di Reino Hulandes. Nos ta bon ta altura di e retonan cu nos tin cu deal cu nan.  Hulanda mes ta un pais bou nivel di lama cu a confronta hopi biaha inundacionnan.”

Sevinger a bisa cu como parti di Reino Hulandes Aruba hunto cu otro SIDS ta comparti riba termino corto y largo con confronta e retonan cu cambio di clima ta trece cu ne.

Aumento di nivel di awa ta causa un menasa serio pa desaroyo sostenibel. Den tono determinante Minister Sevinger a bisa di ta spera y confia cu den e dianan cu ta bin por yega na un acuerdo ambicioso cu ta e espectativanan di mundo.

Sevinger: “Preveni, mas tanto cu por, cambio di clima ta crucial. Pero, nos no por limita nos mes na solamente mitiga e situacion.” Sevinger a splica vision 2020 di Aruba y cu conscientisacion di cambio di clima ta importante, specialmente loke ta regarda paisnan den desaroyo.

Pesey cu prioridadnan mester wordo poni. Minister a conta cu luna pasa Hulanda a organisa e prome conferencia internacional riba seguridad planetario. “Paz y cooperacion den tempo di cambio di clima ta retonan global y medio ambiental. Un conferencia cu ta sigui wordo organisa a base annual na Den Haag. Pa bin cu seguridad planetario y mantene nan prominentemente riba e agenda politico. Mescos ta e caso cu e retonan cu SIDS ta confrontando.”

Minister Sevinger a comenta durante su discurso cu tampoco por laga un banda seguridad den caso di desaroyo climatico, ambiental, sostenibel.

“Ta pesey nos a scoge pa bin cu desaroyo sostenibel buscando solucionnan innovativo pa awa y otro retonan relaciona cu cambio di clima.”

Minister Sevinger a papia di e anuncio cu UNDP (UN development program) a haci na Aruba na luna di oktober; pa establece un Center of Excellence na Aruba pa desaroyo sostenibel pa SIDS, loke ta tremendo. E meta di e center aki ta pa comparti conocimento y experiencia di e islanan (SIDS) cu ta wordo confronta cu problemanan natural hopi specifico manera aumento di e nivel di lama door di cambio di clima – cu tin un impacto enorme riba e islanan. E islanan por siña di otro”.

 

- Advertisement -

DUNA COMENTARIO

Please enter your comment!
Please enter your name here