Home Hudicial Autopsia Avanza a re-confirma cu Suicidio ta causa di morto di hoben...

Autopsia Avanza a re-confirma cu Suicidio ta causa di morto di hoben di 20 aña

2
0
SHARE
- Advertisement -

ORANJESTAD(AAN): E caso di e hoben di 20 aña cu a pone fin na su bida den e apartamento na Tanki Leendert 4-E a capta basta atencion den comunidad. E forma cu e mama a presenta su pensamento riba e morto di su yiu a pone hopi pensa mesora cu tin algo cu ta robez.

Mientrastanto investigacion mas profundo a mustra cu e pensamento di e mama tog ta robez. No tin homicidio pero si tin morto intencional unda e hoben mes a pone fin na su bida. Fiscal despues di e investigacion lo worde haya necesario pa yama e famia hunto pa asina nan bin scucha e berdad tras di e morto di na yiu. Parce cu e tata y a mama a worde notifica pa asina bin scucha y haya tur situacion habri riba e caso aki.

A confirma cu violencia no tabata tin. A check huña di e hoben cu a fayece y ningun caminda por a haya cualkier marca cu el a bringa of marca di otro cos cu ta indica‎ cu el a resisti cualkier atake.

Ademas e hoben cu laga un carta atras unda el a pone un mensahe di ta stima su wela y su mama. Parce cu e tata si no lo tabata carga mesun simpatia cu e yiu tabata tin pa e mama y e wela.

Fuera di esey, a resulta cu e hoben, algun minuut prome cu el a tuma e decision drastico aki… a hasta a yama un docente di Colegio pa papia cune.  Pero e docente no tabata tin tempo e momento ey pa scucha e hoben. Parce a bise pa “yama back”. Algo cu no por a sosode mas mirando e paso drastico cu el a tuma pa su bida.

Cu faha di su deporte di Karate e a comete e acto aki. Tur cos ta indica cu e hoben a prepara su mes pa comete e acto aki. El a Google tur e informacion con pa traha un laso cu e faha pa asina comete e acto.

Ademas e mucha homber a worde interoga oranan largo. Su tata mes a hibe na Recherche. Den e interogacion por a saca afo cu e mucha homber no ta envolvi den un homicidio. E mucha muher mes ta ilegal na Aruba. Mirando cu no por strobe di studia como hoben, a pone cu pais Aruba a permiti pa e bay school.

El a studia bon y caba Colegio. Dimes awor unico caminda cu e lo por a sigui studia ta na Republica Dominicana mes na Universidad. Esey tabata su plan tambe. Sinembargo el a tuma un paso cu awe e no tey mas. Tambe net el a sali na estado. Tur esaki kizas a hunga un rol den e decision cu el a tuma.

E detayenan den forma habri ta loke Ministerio Publico a presenta na e mayornan separadamente. Pesey awor e mayornan mes por ta mas convenci cu nan yiu no a worde mata. A pidi pa un conferencia diabierna mainta 9or na e adres unda e suicidio a tuma lugar,pero despues a manda cancela esaki.

E famia mes a manda un carta habri atrobe riba loke lo bay haci awor y ta papia di cremacion. E ta situacion dificil pa worde acepta door di famia pero den e caso aki cu e splicacion kizas e mama principalmente por ta mas trankil.

 

- Advertisement -

DUNA COMENTARIO

Please enter your comment!
Please enter your name here