Awor tin tres Drilling Ship mara pafor di Aruba

Publication: Thursday, 17 December 2015. Categoria: General

3 boor torenORANJESTAD (AAN): Desde luna di Juni 2015 caba, tin un Drilling Ship staciona ‘idle’ pabao di Aruba.  Ta trata aki di Pacific Mistral cu ta nabegando bao bandera di Liberia.  E tin largura di 228 meter, y pa basta tempo tabata staciona pabao di Arashi.

Despues a bin un Drilling Ship ruman di dje, esta “Pacific Meltem”, cu tambe a bin staciona pabao di Arashi.  Nan ta idle, pues nan no ta haciendo trabao y tin un crew minimo abordo.

Pero desde fin di November, di tercer Drilling Ship a yega y awor nan tur tres ta staciona como 9 km zuidwest di Waf di Playa.

Ta trata aki di e barco “Cerrado”, cu tambe ta un Drilling Ship.  E ta nabegando bao di bandera di Marshall Islands.

Nan ta “staciona” den awanan teritorial di Aruba, wardando orden pa haci trabao, sea aki mes of cualkier lugar rond mundo.

Riba e potret aki por mira d.r.p.d. e barco Pacific Meltem, Pacific Mistral, y mas na man drechi tin Cerrado.

 

Leave a Reply